2000-yil 30 avgust – Jaloliddin Manguberdi ordeni ta’sis etilgan kun

Ushbu orden bilan qahramonlik va jasorat ko‘rsatgan harbiy xizmatchilar mukofotlanadilar. 
1999- yili yurtimizda Jaloliddin Manguberdi tavalludining 800 yilligi keng nishonlangan. Urganch shahrida uning muhtasham yodgorlik majmui barpo etilgan. 2000- yilning 30-avgustida esa O‘zbekiston Respublikasining “Jaloliddin Manguberdi” ordenini ta’sis etish to‘g‘risida”gi qonuni qabul qilingan.   «Jaloliddin Manguberdi» ordeni bilan mamlakatimiz mustaqilligini,  Vatan sarhadlarini himoya qilishda qahramonlik va jasorat ko‘rsatgan harbiy xizmatchilar mukofotlanadilar.   “Davlat mukofotlari to‘g‘risida”gi qonunga muvofiq, “Jaloliddin Manguberdi” ordeni bilan korxonalar, muassasalar, tashkilotlar, jamoat birlashmalari, ijodiy jamoalar, harbiy bo‘linmalar, shuningdek, O‘zbekiston Respublikasining ma’muriy-hududiy birliklari ham taqdirlanishi mumkin.   Prezidentimizning  2003- yil 22- avgustdagi farmoniga binoan Xorazm viloyati “Jaloliddin Manguberdi”ordeni bilan mukofotlangan.