Lvov Anre Mishel (1902.8.5, Enele-Shato) – fransuz mikrobiologi va biokimyogari, Parij Fanlar Akademiyasi a’zosi (1976 yildan). Parij universiteti professor (1959-1968), Rak kasalligi milliy tadqiqot instituti direktori (1968-1972). Asosiy ilmiy ishlari mikroblarni o’stiruvchi omillar, viruslar fiziologiyasi, Fermentlar induksiyasi va repressiyasiga oid. Omil V ning koferman ekanligini isbotladi va uning bakteriyalar uchun fiziologik rolini aniqladi. Lvovning ishlari F. Jakob va J. L. Mono ilgari surgan bakteriyalarda oqsil sintezining genetik regulyatsiyasi mexanizmi haqidagi gipotezaning asosini tashkil etadi (operon konsepsiyasi). Nobel mukofoti laureati (1965, Jakob va Mono bilan hamkorlikda).         

 Ma'lumot: O'zbekiston milliy ensiklopediyasi. Toshkent.2003.