Mutallibov Solih (1900, 19.03- Toshkent-1979.18.03)- tilshunos olim. O’zbekistonda xizmat ko’rsatgan fan arbobi (1971). Boshlang’ich  ta’limni eski maktabda olgan, so’ng madrasada o’qigan (1912-1916). O’qituvchilar kursini (1918) tamomlab, internat, maktablarda dars bergan. Samarqand Pedagogika akademiyasida  o’qigan (1928-1931). Toshkentda 3-xotin-qizlar bilim yurtiga o’qituvchi (1932-1934). Pedagogika ilmiy tadqiqot institutida xodim (1934-1936). O’zbekiston  FA  Til va adabiyot institutida ilmiy xodim (1938-1978). “11-asr yodgorliklarida  fel kategoriyasi” (1955), “Morfologiya va leksika tarixidan qisqacha ocherk” (1959), “Alisher Navoiyning aforizmlari” (1940; 1968) kabi ilmiy asarlar muallifi. M. Mahmud Koshg’ariyning “Devonu lug’otit turk” asarini o’zbek tiliga nashr  ettirgan.