SHAXSIY KABINETGA KIRISH
.
SSENARIYLAR
 Barcha ssenariylar
ARXIV
Iyun 2019
YaDuSeChPaJuSh
      1
2345678
9101112131415
16171819202122
232425272829
30      
Aktyor va kinorejissor Yo'ldosh A'zamov tavallud topgan kun
1909-05-10

A'zamov Yo’ldosh (1909.10.5 - Toshkent - 1985.16.6) - aktyor va kinorejissyor. O’zbekistonda xizmat ko’rsatgan san'at arbobi (1965). O’zbekiston xalq artisti (1970). «Sovkino», «Vostokkino», «O’zbekfilm»larda ishlagan. U aktyor sifatida Yu. Rayzmanning «Yer chanqog’i» (1930), N. G’aniyevaning «Yuksalish» (1931) filmlaridagi Qurbongeldi va mexanik obrazlarini yaratgan. «Tohir va Zuhra» (1945) badiiy filmiga ikkinchi rejissyor bo’ldi. Urushdan keyingi yillarda esa hujjatli-xronikal filmlar («Xalq qizlari», «Toshkent MESi) ishladi. Birinchi mustaqil badiiy filmi «Qilich» (1934). Toshkent Yosh tomoshabinlar teatrida rejissyor sifatida bir qancha pyesalarni sahnalashtirgan. A’zamov kinorejissyor sifatida «Gulbahor» (1956). «Maftuningman» (1958), «Furqat» (1959), «Istiqbol yo’li» (1961), «Oydin sahifa» (1965), «Sayyod Qo’ng’irog’i» (1966), «O’tgan kunlar» (1969), «Olovli so’qmoqlar» (1971), «Mehrobdan chayon» («Zulmatni tark etib...», 1973), «Odamlar tashvishida» (1976), «Ota nasihati» (1979), «Katta va qisqa hayot» (1981), «Parol", «Regina» mehmonxonasi» (3. Rayzman bilan hamkorlikda, 1984) va boshqa filmlarni yaratdi. A’zamov ijodida o’zbek xalqining tarixiy va zamonaviy hayoti sahifalarini milliy ruhda ko’rsatishga intilish ko’proq seziladi. Aktyorlar bilan obrazlar ustida chuqur ishlash, barcha harakatlarni qahramon harakteri va ichki dunyosini ochib berishga qaratish rejissyor ijodiga xos. Hamza nomidagi O’zbekiston Davlat mukofoti laureati (1972). 

Ma'lumot: O'zbekiston milliy ensiklopediyasi. Toshkent. 2000.


Sayt “OPEN WEB” tomonidan tayyorlangan