3 yanvar-dunyo bo‘yicha o‘zgacha bayram ichimlik ichish uchun maxsus naycha(solominka)ning tug‘ilgan kuni nishonlanadi.Naycha(solominka)-bu turli xil suyuqliklarni tortib ichish uchun mo‘ljallangan moslama. Ilgaridan bu narsa oddiy ichi bo‘sh yumshoq poxol cho‘plaridan tayyyorlashgan, shundan nomi ham kelib chiqqan.Afsonaga ko‘ra, birinchi sun’iy naychani amerikalik tadbirkor Marvin Stoun kashf qilgan. Kunlarning birida u korxonasida ishlari yurishmay turganligini mulohaza qila turib, poxol naychadan sharbat ichadi. Icha turib tishlariga poxolning qoldiqlari tiqilib qolib g‘ashiga tegadi. Shundang so‘ng Stoun bir parcha qog‘ozga yelim surtib qalamga o‘raydi va shu tariqa qog‘oz naycha yaratiladi. Bu naychaning kamchiligi shundaki, ichimlik tezda ichilmasa qog‘oz naycha bir zumda erib ketardi. Stoun o‘zining ixtirosini mukammallashtirish maqsadida yangi g‘oyalarni izladi va uning nazariga pochta markasi tushdi(o‘sha paytlari AQShda markalar manil kanoptoladan iborat bo‘lgan manil qog‘ozdan tayyorlanib, u juda mustahkam edi). Aynan shu qog‘ozdan Stoun naychalarni ishlab chiqara boshladi.U aynan ichish jarayonida limon danagini o‘tkazmaydigan diametr tanladi.1888 yil Vashington patent byurosidan Marvin Stoun o‘z ixtirosi suyuqliklarni so‘rib ichish uchun ishlatiladigan qog‘oz naycha ixtirosi uchun    – naycha(solominka)ga №375962raqamli patent oldi. 1890 yilda esa ularning ishlab chiqilishi Stounning asosiy daromad manbaiga aylandi, holbuki eng avvalo naychalar qo‘l mehnati bilan yaratilar edi. 1906 yilda qog‘oz naycha(solomka)lar ishlab chiqarish uchun uskuna kashf qilingan. Rovojlanishning keyingi qadamini 1930 yilning 2-yarmida Djozef Fridman takomillashtirdi va suyuqlik tanovul qilganda har tomonga bukilishi uchun naychaga g‘ijim qism o‘rnatdi, natijada buning uchun 1937yil 28sentyabrda AQShda patent oldi,ammo hech bir ishlab chiqaruvchini qiziqtira olmadi. Shundan so‘ng Fridman o‘zi bir necha moslamalar yasab, o‘z ixtirosini ishlab chiqib, mahsulotini bozorga olib chiqishga muvaffaq bo‘ldi.1939 yilda Fridman “Flexible Straw Cirporation” birlashmasini yaratdi va o‘zining “egiluvchan solomka”larini ishlab chiqarishni keng yo‘lga qo‘ydi. 10 yil o‘tib bu biznes Fridmanni millionerga aylantirdi.Birinchilar qatorida restoran va barlardan tashqari naychalarni kasalxonalar tasdiqlashdi, chunki bemorlarni naychalar orqali ovqatlantirish sinuvchan shisha trubkalarga qaraganda juda qulay edi.Solomkalar rivojlanishining keyingi qadami 20-asrning o‘rtalarida Otto Dayfenbax suyuqlik uchun naychaning sellofanligini ixtiro qildi.Ottoning o‘zi sellofanli solomka ishlab chiqishga asbob yaratdi va uni kengaytirib, daromad ola boshladi.Xozirgi kunda bu naychalardan faqat suyuqlik iste’mol qilishdan tashqari dizaynerlar turli taqinchoq va kompozisiyalar yaratishda ham foydalanishmoqda.