Ahmadxo’jayev Saidbotir Saidg’aniyevich (1941.30.5, Toshkent) – operator va rejissyor. O’zbekistonda xizmat ko’rsatgan san’at arbobi (1989). Ijodini 1966 yil “O’zbekfilm” kinostudiyasining “Nashtar” satirik kinojurnalida boshlagan. 1969 yildan “O’zbekfilm studiyasida. Operator sifatida osori atiqalar, milliy qadriyatlarimiz haqida hikoya qiluvchi “Sharqning mangu obidalari”, “Buxoro”, “Hamro buvi ertaklari” hujjatli filmlarini yaratgan. 1972 yildan rejissyor sifatida ijod qilib, “Brigada”, “Usta Salimjon”, “Xalq farzandi”, “Mukarrama opa va qirq go’zal”, “Intizor”, “Xotira”, “Qalb saxovati”, “Farzandlar qasamyod qildilar” kabi hujjatli, shuningdek “Aziz” televizion badiiy, “O’zbegim” badiiy – publitsistik filmlarni yaratdi.

Ma'lumot: O'zbekiston milliy ensiklopediyasi. Toshkent. 2000.