SHAXSIY KABINETGA KIRISH
.
SSENARIYLAR
 Barcha ssenariylar
ARXIV
Sentabr 2021
YaDuSeChPaJuSh
   1234
567891011
121314151618
19202122232425
2627282930  
O’zbekiston xalq ustasi Hayitmat Bog’bekov tavallud topgan kun
1953-06-27

Bog’bekov Hayitmat (1953.27.6, Xiva tumani) – yog’och o’ymakori, O’zbekiston xalq ustasi (2001). Xiva hunar –texnika bilim yurtini  yog’och o’ymakorligi bo’yicha tugatgan (1977). 1977 yildan “Usto uyushmasida usta. Bog’bekov Xiva va Xorazm yog’och o’ymakorligi san’atini tiklash va taraqqiy ettirishga katta hissa qo’shdi. 1969 yildan otasi usta Safo Bog’bekov bilan birgalikda ishladi: Qora dengiz flotining “Ozbekiston” kemasi uchun naqshinkor eshik, darvoza, ustunlar va boshqalar tayyorladi. Bog’bekov me’moriy yodgorliklarning yog’och uymakorligi bilan ta’mirlashda, zamonaviy binolarni sharqona bezashda samarali ijod qilmoqda; Turkmanistondagi jamoa xo’jaliklaridagi madaniyat saroylari (1979), Yurmala shahridagi “Ozbekiston” restorani (1983), Xorazm yog’och o’ymakorligi namunasi (1983, Moskvadagi Xalq xo’jaligi yutuqlari ko’rgazmasining sovrini bilan mukofotlangan), Toshkent shahridagi faxriylar choyxonasi (1991), Qoraqalpog’istondagi Berdaq kinoteatri (1993) va boshqalardagi yog’och o’ymakorligi ishlarini yuksak did bilan bajardi. Toshkent shahridagi Xotirlash va qadrlash maydoni milliy ayvonining 12 ustuni hamda shifti uchun 1000 dona vassani islimiy va girih naqshlar bilan bezab, tabaqa pardoz va lo’la pardoz usulida ziynatlashga rahbarlik qildi; Urganchdagi Xotira maydoni ayvonlarini farzandlari va shogirdlari bilan tiklashda Bog’bekovning iste’dodi yorqin namoyon bo’ldi. Bog’bekov ko’plab shogirdlar tayyorladi.

Ma'lumot: O'zbekiston milliy ensiklopediyasi. Toshkent. 2001.


Sayt “OPEN WEB” tomonidan tayyorlangan