SHAXSIY KABINETGA KIRISH
.
SSENARIYLAR
 Barcha ssenariylar
ARXIV
Mart 2021
YaDuSeChPaJuSh
 123456
7910111213
14151617181920
21222324252627
28293031   
Raqqos va baletmeyster, aktyor, pedagog Ali Ardobus tavallud topgan kun
1900-01-15

Ali Ardobus (Ibrohimov Ali Fayzullaho‘jaevich) (1900.15.1, Qizilo‘rda – 1959.9.11, Toshkent) – raqqos va baletmeyster, aktyor, pedagog, O‘zbekistonda (1944) va Qorqalpog‘istonda (1943) xizmat ko‘rsatgan artist. Qizilo‘rda ritmik gimnastika studiyasini (1917), Xalq Maorifi Komissarligi qoshidagi Toshkent teatr studiyasining xoreografiya bo‘limini (1921) tugatgan. Yusufjon qiziq Shakarjonov, Mahkam hofiz, Orif garmon Toshmatov,Chervonxon, O‘ktamxon,    Qumrixon kabilardan o‘zbek raqs harakatlarini o‘rgandi. 1981 yilning sentyabridan Toshkentdagi Mannon Uyg‘ur rahbarligidagi teatrda ish boshlaydi. Ali Ardobus ko‘proq balet va raqs bilan shug‘ullandi. 20- yillarda “Latifa”, “Yallami yorim”,” Qashqarcha”,”Ufori Toshkent”, “Gul o‘yin”, “Zang o‘yini”, “Qayroq o‘yin”, “Doira o‘yini”, “Afg‘oncha” kabi xalq raqslarini o‘zlashtirib, ularning sahna turini yaratdi. Ali Ardobus Dushanba musiqa – teatr studiyasini (1929-30), “Tog‘ burgutlari” raqs studiyasi va etnografik ansamblini (1930-33), Olmaota raqs studiyasini (1934), Uyg‘ur musiqali drama teatrini (1935), O‘zbek filarmoniyasining ashula va raqs ansamblni (1937-41) tashkil etishda faol qatnashgan. 1943-45 yillarda Qoraqalpog‘istonda raqs studiyalari va ansambllar tashkil qilib, milliy xalq o‘yinlari asosida birinchi qoraqalpoq sahna raqslarini yaratgan. O‘zbekistonda teatr va raqs havaskorligini rivojlantirishga katta hissa qo‘shgan. Toshkent, Samarqand, Andijon, Namangan va boshqa shaharlarda havaskorlik to‘garagi tashkil qilgan. Sahnalashtirilgan eng yaxshi raqslari: “Nog‘or”,”Raqs”,”Bayot” kabi yakka, “Uyg‘urcha”, “Qoraqalpoqcha”, “Samarqandcha to‘y” (syuita), “Urgut beshqarsagi” va boshqa ommaviy raqslar.

O‘zbekiston milliy ensiklopediyasi T:. 2000 


Sayt “OPEN WEB” tomonidan tayyorlangan