Maqsetov Qobul -1929 yil 16 yanvar kuni Xorazm viloyati Qo‘ng‘irot  tumanida  tug‘ilgan- qoraqalpoq folklorshunosi, O‘zbekistonda (1979) va Qoraqalpog‘istonda (1973) xizmat ko‘rsatgan fan arbobi, filologiya fanlari doktori(1966), professor(1968). Xo‘jayli pedagogika bilim yurtini(1949) va Qoraqalpoq pedagogika institutini(1953) tugatgan. Avval maktabda o‘qituvchi(1949-530), keyinchalik mazkur institutda qoraqalpoq adabiyoti kafedrasida katta o‘qituvchi, mudir (1953-57).  O‘zbekiston FA      Qoraqalpog‘iston filialining tarix, til va adabiyot  instituti katta ilmiy xodimi, bo‘lim mudiri(1959-62), direktori (1963-92).  Ilmiy asarlari qoraqalpoq folkloriga, qoraqalpoq  qahramonlik  eposiga bag‘ishlangan. Uning qoraqalpoq tilidagi “Qoraqalpoq qahramonlik eposi “Qirq qiz” (Nukus, 1962), “Qoraqalpoq qahramonlik dostonlari poetikasi” (T.1965), “Qoraqalpoq folklori estetikasi” (Nukus, 1961),  “Qoraqalpoq eposi. Qurbonboy Tojiboyev repertuaridagi dostonlarning badiiy hususiyatlariga doir” (rus tilida, 1976) asarlari qoraqalpoq  folklorshunosligi rivojida muhim rol o‘ynadi.  “Folklor va adabiyot”(Nukus, 1975) maqolalar to‘plami hozirgi qoraqalpoq adabiyoti  muammolariga bag‘ishlangan. Berdaq nomidagi Qoraqalpog‘iston Respublikasi Davlat mukofoti laureati (1976). Q.Maqsetov 2002 yil 17 fevral kuni Nukusda vafot etgan.

O’zbekiston  Milliy  Ensiklopediyasi.  T.,  2000.