2004 yil 3 fevral – “O‘zarxiv” agentligi tashkil topgan kun.

O‘zbekiston Respublikasida arxiv ishini boshqarishni yanada takomillashtirish maqsadida 2004 yil 3 fevralda  “O‘zarxiv” agentligi tashkil etilgan. Uning tizimiga Qoraqalpog‘iston Respublikasi, viloyatlar va Toshkent shahri hududiy boshqarmalari, ularning qaramog‘idagi davlat arxivlari (ularning filiallari) hamda Markaziy davlat arxivlari kiradi. Agentlik arxiv ishini rivojlantirishni va ushbu sohadagi ilmiy-texnika taraqqiyotining davlat tomonidan boshqarilishini ta’minlaydi, davlat va idoraviy arxivlarning faoliyatini tarmoqlararo muvofiqlashtiradi, arxiv ishi bo‘yicha Respublika qonun hujjatlariga rioya qilinishini nazorat qiladi.