SHAXSIY KABINETGA KIRISH
.
SSENARIYLAR
 Barcha ssenariylar
ARXIV
Aprel 2019
YaDuSeChPaJuSh
 123456
78910111213
14151617181920
212223252627
282930    
Yosh rejissorlarning ijodiy bellashuvi
2010-03-27

27 mart - Xalqaro teatr kuniga bag‘ishlab O‘zbek Milliy akademik drama teatrida yosh rejissorlarning “Debut-2010” respublika festivali boshlandi. “Barkamol avlod yili” Davlat dasturi doirasida o‘tkazilayotgan ijodiy ko‘rik O‘zbekiston Respublikasi Madaniyat va sport ishlari vazirligi, “O‘zbekteatr” ijodiy-ishlab chiqarish birlashmasi hamkorligida tashkil etildi. Shu munosabat bilan o‘tkazilgan tadbirda yurtimizdagi teatr jamoalarining vakillari, madaniyat va san’at namoyondalari, yozuvchi, shoir va dramaturglar, teatrshunos olimlar, san’at yo‘nalishidagi oliy ta’lim dargohlarining professor-o‘qituvchilari, talaba-yoshlar ishtirok etdi. Teatr san’atiga ko‘rsatilayotgan g‘amxo‘rlik yurtimizdagi teatrlar faoliyatida yaqqol namoyon bo‘lmoqda. O‘tgan yili teatr jamoalari tomonidan bir yuz ellikdan ortiq spektakl sahnaga qo‘yilib, Qoraqalog‘iston Respublikasi, viloyatlardagi umumiy o‘rta, o‘rta maxsus, oliy o‘quv yurtlari o‘quvchi va talabalari e’tiboriga havola etildi. So‘nggi yillarda yaratilgan sahna asarlari yosh tomoshabinlarni ona Vatanga muhabbat, milliy istiqlol g‘oyalariga sadoqat, umrboqiy qadriyatlarimizga hurmat ruhida tarbiyalashda alohida ahamiyat kasb etmoqda. Ayni paytda o‘zbek teatr ijodkorlari tomonidan tayyorlangan bir necha spektakllar qator xalqaro teatr san’ati festivallarida sovrinli o‘rinlarga sazovor bo‘ldi.“Barkamol avlod yili” Davlat dasturida san’atning barcha yo‘nalishlarida izlanayotgan iste’dodli yoshlarni aniqlash, ijodiy-intellektual salohiyatini yanada rivojlantirish, qo‘llab-quvvatlash va rag‘batlantirish, yangi ijodiy marralar sari da’vat etish, o‘g‘il-qizlarning qalbi, ongu tafakkurini milliy fazilatlarimizga begona g‘oyalar, “ommaviy madaniyat” ta’siridan himoyalash, muhim yo‘nalishlardan biri sifatida belgilangan. Yosh rejissorlarning “Debut-2010” respublika festivalidan ko‘zlangan asosiy maqsad teatr san’atida qaror topgan ibratli an’analarni davom ettirish, sohada izlanayotgan iqtidorli ijodkorlarni aniqlash, ularning faoliyatini atroflicha o‘rganish va rag‘batlantirishdan iboratdir. - Ushbu festivalga “Yurt qadri” sahna asarini tayyorlab keldik, - deydi Mullato‘ychi Toshmuhamedov nomidagi Qashqadaryo viloyat musiqali drama teatri rejissori Akbar Berdiyev. - Spektaklda o‘zi tug‘ilib, voyaga yetgan zaminni muqaddas bilishdek ezgu g‘oya aks ettirilgan. Festival doirasida yurtimizning turli hududlarida faoliyat ko‘rsatayotgan yosh rejissorlar sahnalashtirgan spektakllar tomoshabinlar e’tiboriga havola etilishi barobarida san’atshunoslar, yetuk ijodkorlar, dramaturglar tomonidan atroflicha muhokama etiladi. Ayni paytda O‘zbek Milliy akademik drama teatri, O‘zbekiston Davlat san’at instituti bilan hamkorlikda zamonaviy rejissuraning dolzarb masalalariga bag‘ishlangan ilmiy-amaliy konferensiya, san’at arboblari ishtirokida mahorat saboqlari tashkil etiladi.


Sayt “OPEN WEB” tomonidan tayyorlangan