O’zbekiston xalq artisti Bekajon Rahimova

Rahimova Bekajon (1923.31.10 -Xiva — 1997.2.4, Urganch) — aktrisa, xonanda. O’zbekiston xalq artisti (1991). 1936—38 yillar «Bolalar teatri»da, 1938—55 yillar Xiva xalq teatrida, 1955—90 yillar Ogahiy nomidagi teatrda faoliyat ko’rsatgan. O’z ijodi davomida bir qancha spektakllarda turli rollar ijro etgan: Maysara («Maysaraning ishi»). Durjon kampir («Paranji sirlari»), Yosuman («Farhod va Shirin»), Feokla Ivanovna («Uylanish»), Xoji ona («Boy ila xizmatchi»), Zebo («Arshin mol olon»), Jannat xola («Qaynona»), Margo («Ko’ngli yosh qariyalar»), Xodima («Olma pishganda keling») va boshqalar «Xiva vaqti bilan soat 7⁰⁰ da» fil’midagi kampir roli bilan keng ommaga tanildi («Boboyjonim» dueti). Shuningdek, hazil qo’shiqlar, xalq laparlarini qiyomiga yetkazib kuylab, raqsga tushgan.

Ma’lumot: O’zbekiston milliy ensiklopediyasi. “O’zbekiston milliy ensiklopediyasi”. T.2004.