1869 yili 8 iyunda Amerikalik  ixtirochi Ayvz Makgaffni  dunyoda birinchi  "Whirlwind" ("qo‘llarda ushlamoq   va  yo‘llantirmoq") deb nomlangan changyutgichni patentladi. Uning yuqori qismida  tasmali  uzatma  bilan  ventilyatorga bog‘langan  ushlagichi bor edi. Ushlagich qo‘l bilan harakatga keltirilardi. Changyutgich yengil va ixcham  bo‘lib,  lekin  ishlatishda  bir vaqtning o‘zida  ushlagichni aylantirish  va pol bo‘ylab itarish  zarur bo‘lganligi  uchun nokulaylik tug‘dirardi. Makgaffni  Bostonda " American Carpet Cleaning Company " shirkatini ochdi va  changyutgichlarini bir donasini  25 dollardan  sota boshladi (u paytlarda  bu kata pul edi, chunki  o‘sha vaqtda 1 Amerika dollari 23 gramm kumushni tashkil etardi). Makgaffning  aksariyat changyutgichlari  Chikago  va Bostonda  sotilgan. Biroq  ularning  bir qismi, ehtimol, katta Chikago  yong‘inida yonib ketgan . “Whirlwind”ning  faqat ikki donasigina   bizning kunlarga  qadar saqlanib qolgan, ulardan biri "Noover ".kompaniyasining tarixiy markazida turadi.  Makgaffni  izidan boshqa ixtirochilar ham  mehanik  changyutgich ishlab chiqarib sota boshladilar. 20 asr boshida  “Hoover”  kompaniyasi changni yig‘ib oladigan moslamali  elektrchangyutgich  ishlab chiqardi. Uning birinchi andozasi  "Model O"  narxi  60 dollar bo‘lib  xaridorlarning  talabi katta bo‘lgan.  1920-30-x yillarda  changyutgich ommalashib ketishi bilan birga  uy bekalarining chang bilan birga mikroblardan ham halos bo‘layotganligiga  ishonch hosil qilishgan.  Bu to‘g‘risida 1926 yilda   Electrician jurnali  shunday yozgan edi.  "Chang yutgichni universal  g‘oyasi  shunchaki xonalarni tozalashdan iborat bo‘lmasdan,  uy bekasi changyutgich  bilan birga  o‘zining oilaviy sog‘lig‘ini  himoya qilish andozasini qabul qildi.  "Ko‘p yillar  mobaynida changyutgich  kimmatbaxo  narsa bo‘lib hisoblangan, lekin  ikkinchi jahon  urushidan  keyin ular o‘rtahol sinf  orasida ham tarqaldi. Bugun kelib changyutgich  har bir xonadonda   bor.