1863  yili  yaradorlarga  yordam  ko‘rsatish  bo‘yicha  xalqaro  komissiyaning  tuzilishidan    keyin  qizil  oy  harakati  vujudga  keldi.  Avval  bu tashkilot  faqatgina  urush  qatnashchilariga, jangda  jarohatlanganlarga   yordam  bergan. Biroq keyinchalik  bu  harakat  o‘zining  faoliyatini  kengaytirib,  tinch  aholiga  ham   favqulodda  vaziyatlarda  yordam  ko‘rsatish   barobarida,  tibbiy   va  ijtimoiy    xizmatlarni   taqdim  etib  kelmoqda.  Qizil  Xoch  va  Qizil  Yarim  oy  jamiyati  harakati   insonparvarlik,  beg‘arazlik,   betaraflik, mustaqillik,  ixtiyorlik,  birlik,  universallik  kabi  tamoyil  asosida  faoliyat  olib  bormoqda. Qariyb dunyoning 175  mamlakatlaridan  400 mlnga  yaqin  insonlar  xalqaro  Qizil Xoch  va  Qizil  Yarim  oy  jamiyati  harakati  bilan  birlashgan.  Rossiyada   shu  tashkilot  bilan  bog‘liq  yana  bir  bayram-15 mayda  Rossiya Qizil  Xoch  jamiyatining  rasmiy  tashkil   qilinganligi  nishonlanadi.  Bugungi kunda  O‘zbekiston  Qizil  Yarim  oy  jamiyati  safida  1  million  300  mingdan  ziyod  a'zo  va  36  mingdan  ortiq  ko‘ngillilar  mavjud.  Jamiyatning 15 ta  mintaqaviy  tashkiloti  tarkibida    191  tuman  hamda  shahar  bo‘limi,  2,5  mingta   boshlang‘ich  tashkiloti  faoliyat  ko‘rsatayotir.   Muhimi,  ular  tibbiy-gumanitar,  ijtimoiy-maishiy, madaniy-ma'rifiy  sohalardagi  faoliyati  bilan   davlat  va  jamoat  tashkilotlarining  yaqin   ko‘makchisiga  aylandi.