SHAXSIY KABINETGA KIRISH
.
SSENARIYLAR
 Barcha ssenariylar
ARXIV
May 2022
YaDuSeChPaJuSh
1234567
891011121314
151618192021
22232425262728
293031    
6 Oktyabr - "Xalqaro shifokorlar kuni”
0000-10-06

6 Oktyabr - "Xalqaro shifokorlar kuni”

Dunyo miqyosida nishonlanadigan sanalar juda ko'p. Xalqaro tashkilotlar tomonidan e'lon qilingan sana va bayramlar munosabati bilan o'sha kuni bu soha mutaxassislari bir-birlarini qutlaydilar, yangilik va o'zgarishlar bilan tarixiy kunni qarshi oladilar. Ana shunday sanalarning aksariyati tibbiyot xodimlariga ham tegishlidir. 
Oktyabr oyining birinchi dushanbasi dunyoning ko'plab mamlakatlarida xalqaro shifokorlar kuni sifatida nishonlanadi. Bu yil 6 oktyabr kuni dunyodagi barcha davlatlarda shifokorlar o'z kasbiy bayramlarida bir-birlariga samimiy tilak va istaklar bildiradilar. Jumladan, jonajon O'zbekistonimizda ham bu bayramga alohida taraddud ko'rilmoqda. O'zbekiston Respublikasi Sog'liqni saqlash vazirligi va sog'liqni saqlash hamda farmasevtika xodimlari kasaba uyushmasi respublika kengashi hamkorligida xalqaro shifokorlar kunini ko'tarinki ruhda o'tkazish chora-tadbirlar rejasi belgilangan. Unda sog'liqni saqlash muassasalari yosh mutaxassislari, tarmoq oliy ta'lim muassasalari talabalari, tibbiyot kollejlari va akademik litsey o'quvchilari o'rtasida sohaning yetuk kadrlari bilan tibbiy mavzularda suhbat va uchrashuvlar o'tkazilishi rejalashtirilgan. Shuningdek, hamkasblariga ibrat bo'lib kelayotgan shifokorlarni moddiy-ma'naviy jihatdan rag'batlantirish ko'zda tutilgan.
Sohada uzoq yillar faoliyat ko'rsatgan faxriylar holidan xabar olish bayramning ahamiyatini yanada oshiradi. Fursatdan foydalanib, respublikamiz davolash muassasalarida mehnat qilayotgan barcha tibbiyot xodimlarini xalqaro shifokorlar kuni munosabati bilan qutlab qolamiz. Ularning ezgu, sharafli va mas'uliyatli ishlarida omadlar yor bo'lsin.

Toshkent vrachlar malakasini oshirish institutida ushbu sanaga bag'ishlangan tantanali marosim bo'lib o'tdi. O'zbekiston Sog'liqni saqlash vazirligi tomonidan tashkil etilgan mazkur tadbirga tegishli davlat va jamoat tashkilotlari vakillari, olimlar, shifokorlar taklif etildi.
Izchillik bilan amalga oshirilayotgan tibbiy-ijtimoiy islohotlar samarasida xalqimizga jahon andozalari darajasida birlamchi tibbiy-profilaktika, shoshilinch va ixtisoslashtirilgan tibbiy yordam ko'rsatish ko'lami yildan-yilga kengaymoqda.
“Sog'lom ona – sog'lom bola” konsepsiyasini hayotga tatbiq etish jarayonida xotin-qizlarni chuqurlashtirilgan tibbiy ko'rikdan o'tkazish, homilador ayollarni polivitaminlar bilan ta'minlash, ona-bola skrining xizmatini rivojlantirish, neonatal va perinatal yordamni samarali tashkil etish, oilada tibbiy madaniyatni yuksaltirishga alohida e'tibor qaratilmoqda.


 

 

 

 


Sayt “OPEN WEB” tomonidan tayyorlangan