Monako knyazligining poytaxti Monte Karlo nafaqat o‘zining tabiiy go‘zalligi, avto ralli, Formula -1 poygalari  bilan mashhur. Har yili aynan shu yerda yanvar oyi davomida dunyo bo‘yicha sirk artistlarining - “Ertangi kun sirki” deb nomlangan eng mashhur forumi o‘tkaziladi. Festival 1974 yilda Monako hukmdori - knyaz Rene III tomonidan sirk san’atiga, sirk sulola va oilalariga ko‘mak berish maqsadida  tashkil qilingan. Knyaz Rene III sirkning ashaddiy ishqibozi bo‘lganligi sababli festivalning ochilish sanasini  o‘z hukmdorligining 25 yilligiga to‘g‘rilagan. Festivalning tashkiliy  qo‘mitasi  tadbirning faxrli  raisi  o‘rnini knyazning qizi - malika Stefaniyaga  topshiradilar. U shouning tashkiliy ishlarida  va tadbir ssenariysini tayyorlashda qatnashadi.Tadbirda  an’anaviy sirk  nomerlari bilan shuningdek ,yosh yangi sirk mutaxassislari  ishtirok etadilar.Aynan bu festival birinchi bo‘lib tashkil qilingan va  xalqaro sirk arenasida  unga teng keladigani yo‘q, butun dunyodan eng zo‘r sirk artistlari- hayvon o‘rgatuvchilar , masxarabozlar, akrobatlar  maxsus ular uchun qurilgan mashhur sirk arenasi - shapito Fonveyda yig‘iladilar. Festival tarixi davomida u faqat ikki marotaba, 1982 yilda Rene IIIning mashhur rafiqasi - Greys Kelli vafot etganida va 1991 yilda harbiy yurishlar davomida o‘tkazilmagan. Sirk san’atkorlari uchun bu festival Kann kinofestivali bilan tenglashadi. Oliy sovrin - “Oltin masxaraboz” esa, o‘zgacha sirk Oskari hisoblanadi, u  uchun barcha ishtirokchilar bellashadilar. Festivalda boshqa janrlar uchun ham mukofotlar beriladi.