SHAXSIY KABINETGA KIRISH
.
SSENARIYLAR
 Barcha ssenariylar
ARXIV
May 2022
YaDuSeChPaJuSh
1234567
891011121314
151618192021
22232425262728
293031    
Kompozitorlik maktabi asoschisi Shimanovskiy Karol’ tavallud topgan kun
1882-10-06

Kompozitorlik maktabi asoschisi Shimanovskiy Karol’ tavallud topgan kun.

Shimanovskiy Karol’ Matsey (1882. 6.10, Timoshovka, — 1937. 29.3, Lozanna) — polyak kompozitori, pianinochi, musiqa-jamoat arbobi, zamonaviy milliy kompozitorlik maktabi asoschisi, musiqiy orientalizmning yirik namoyandasi. San’atkorlar oilasida tug’ilib, bolaligidan otasi, so’ng tog’asi (G.V.Neygauz)dan fortepiano saboqlarini olgan, 8 yoshida ilk ommabop konsert bergan. 1901 yildan Varshavada yashab, kompozitsiya va nazariy fanlardan ta’lim olgan, 1905 yil “Yosh Pol’sha” kompozitorlari safiga qo’shilgan. Keyinchalik Avstriya va Germaniyada tahsil ko’rish jarayoni Shimanovskiy ijodiy uslubiga salbiy (milliylashish o’rniga — nemislashish yusinida) ta’sir ko’rsatgan. Ijodiy inqirozdan qutulish maqsadida Jazoir, Tunis va boshqa Sharq mamlakatlariga yo’l olib, ommaviy-diniy marosim kuy va usullarini yozib olgan. Avvallari ham sharqona mavzularga (“Zulayho” qo’shig’i, “Hofizning ishqiy qo’shiqlari” turkumi) murojaat qilib kelgan Shimanovskiy, safardan qaytgach, “Hofizning ishqiy qo’shiqlari — II”, R.Tagor she’rlariga va “Ehtirosli muazzin qo’shiqlari” vokal turkumlarini yaratdi. Kompozitorning sharqona asarlarining eng yetuk namunasi — Jaloliddin Rumiyning “Imshab” (“Bu kecha”) radifli g’azali asosida — yakkaxon xonanda, xor va simfonik orkestr uchun yaratgan “Tun haqidagi qo’shiq” nomli 3-simfoniyasi (1914) dir. Shimanovskiy,  shuningdek, “Xagit” (1922), “Qirol Roger” (1926) operalari, “Xarnasi” (1934) baleti, qator diniy asarlar (mashhuri — “Stabat mater”), cholg’u konsertlar, o’nlab kamer turkumlar (ular orasida “Shahrizoda”), bir qancha ilmiy maqolalar va “Efeb” romani muallifi. Musiqiy romantizm va impressionizm tamoyillari, Uyg’onish davri musiqa unsurlari hamda milliy fol’klor janrlaridan ijodiy foydalanib, o’ziga xos musiqa uslubini yaratgan.

 Ma’lumot: O’zbekiston milliy ensiklopediyasi. “O’zbekiston milliy ensiklopediyasi”. T.2005.


Sayt “OPEN WEB” tomonidan tayyorlangan