SHAXSIY KABINETGA KIRISH
.
SSENARIYLAR
 Barcha ssenariylar
ARXIV
Fevral 2020
YaDuSeChPaJuSh
      1
2345678
9101112131415
16171819202122
232426272829
Atoqli shoir Asqad Muxtor tavallud topgan kun
1920-12-23

 Atoqli shoir Asqad Muxtor 1920 yilning 23 dekabrida Farg’ona shahrida temirchi ishchisi oilasida tug’ilgan. U 11 yoshida otadan yetim qolib, bolalar uyida tarbiyalangan. Maktabni tugatgach, Asqad Muxtor O’rta Osiyo davlat universitetiga (1938) kirib o’qiydi. So’ng Andijon pedagogika institutida ,,O’zbek adabiyoti“ kafedrasining mudiri bo’lib ishlaydi. Asqad Muxtorning Toshkentga kelishi uning faoliyatida yangi sahifa ochdi. U Respublika gazetalari taҳririyatlarida bo’lim mudiri, mas'ul kotib, „Sharq yulduzi“ jurnalida bosh muҳarrir (1960-1965), O’zbekiston Yozuvchilar uyushmasida kotib (1957) bo’lib ishladi. „Guliston“ jurnali va ,,O’zbekiston adabiyoti va san'ati“ haftaligiga muҳarrirlik qildi. Asqad Muxtor „Tilak“, „Tong edi“, „Totli damlar“ singari ilk she'rlari (1935- 1938)da she'riyatning maqsad va vazifasini, shoirning jamiyat oldidagi burchini aniqlab olishga intildi. U she'riyatga „Qalbga qanot“, „Dardga davo“ beruvchi deb qaradi. Shoir ikkinchi jahon urushi boshlanishi bilan „Ғalaba ishonchi“, „Jangchining bayram kechasi“, „Tug’ishganlar qaytdi“, „Sog’inish“ singari qator she'riy asarlarini yaratib, xalqni fashist bosqinchilariga qarshi kurashga undadi. Vatan go’zalliklarini, tuganmas boyliklarini, xalq ҳayotidagi katta o’zgarishlarni tasvirlovchi „Po’lat quyuvchi“ (1947), „Hamshaharlarim“ (1949), „Rahmat, meҳribonim“ (1954), „Chin yurakdan“ (1965) she'riy kitoblarini yozdi. Yozuvchining „Daryolar tutashgan joyda“ (1950), „Qoraqalpoq qissasi“ (1958), „Buxoroning jin ko’chalari“ kabi qissalarida, „Opa-singillar“ (1955), „Tug’ilish“ (1963), „Davr mening taqdirimda“ (1964), „Chinor“ (1973), „Amu“ kabi romanlarida zamonamizning muҳim muammolari o’z ifodasini topgan. „Chin yurakdan“ (1956) she'riy kitobi, „Hayotga chaqiriq“ (1956), „Dunyo bolalari“ (1962) hikoyalar to’plamlari o’zbek bolalar adabiyoti xazinasini boyitdi. Asqad Muxtor „Mardlik cho’qqisi“ (1948), „Yaxshilikka yaxshilik» (1949), „Samandar“ kabi pyesalar ham yozgan. Sofokl, R. Tagor, A. S. Pushkin, M. Yu. Lermontov, V. V. Mayakovskiy, M. Gorkiy, T. Shevchenko, A. Blok, A. Korneychuk asarlari Asqad Muxtor tarjimasida o’zbek kitobxonlarining ma'naviy mulkiga aylangan. Lirik shoir, taniqli adib, moҳir tarjimon sifatida o’zbek madaniyati taraqqiyotiga katta hissa qo’shgan Asqad Muxtor ,,O’zbekiston xalq yozuvchisi“ unvoni va Hamza nomidagi respublika Davlat mukofotiga sazovor bo’lgan. 


Sayt “OPEN WEB” tomonidan tayyorlangan