Nyuton Isaak- 1643 yil 4 yanvar kuni London shahrida tug’ilgan. Ingliz olimi, xozirgi zamon tabiatshunosligi asoschilaridan biri. London Qirollik jamiyati a'zosi (1672 yildan)va uning prezidenti (1703 yildan). Kembridj universitetini tugatgan(1665).Ilmiy ishlari uchun unga lord unvoni berilgan (1705).Nyuton  mexanika va astronomiyaning nazariy asoslarini yaratdi.  Butun olam tortishish qonunini ochdi,  differensial va integral  hisob asoslarini ishlab chiqdi,  ko’zguli teleskopni kashf qildi.  U optikaga oid muhim eksperimental ishlar muallifi. U birinchi bo’lib yorug’likning to’lqin uzunligini o’lchagan.”Negizlar” (1687) Nyutonning eng muhim ilmiy asari hisoblanadi. Bu asarida Nyuton o’zidan ilgari o’tgan olimlar va o’zi erishgan ilmiy natijalarni umulashtirgan va klassik fizikaning asosi bo’lgan Yer va osmon mexanikasi sistemasini yaratgan va osmon jismlarining harakat nazariyasini ishlab chiqqan.Klassik mexanikaning 3 ta asosiy harakat qonunlarini ta'riflagan. U gidrostatika va gidrodinamikaning ba'zi masalalarini qayta ishlab chiqqan.Nyuton Nyuton binomi formulasini ixtiyoriy ko’rsatgichga umumlashtirgan, matematika sohasidagi tenglamalarni taqribiy yechish usuli va interpolyatsiya formulasini topgan.Nyuton 1727 yil 31 martda vafot etgan va Vestminsterda dafn etilgan.