SHAXSIY KABINETGA KIRISH
.
SSENARIYLAR
 Barcha ssenariylar
ARXIV
Mart 2021
YaDuSeChPaJuSh
 12346
78910111213
14151617181920
21222324252627
28293031   
O`zbekiston xalq artisti Erkli Malikboyeva tavallud topgan kun
1928-12-16

Erkli Malikboyeva 1928 yili  16 dekabrda Toshkentning Eski shaharidagi “Chuqur ko`prik” mahallasida  Vohid Malikboyev va  Sora  Boyazitovalar oilasida tug`ilgan. Oilaning yagona  farzandiga  kelajak turmushi  hur va  erkli  bo`lsin  degan  niyatda  Erkli  deb ism qo`yishdi.  Otasi  tarjimon,  onasi  aktrisa bo`lgani uchunmi,  maktabni bitirgan  Erklixonni san'atga  oshuftalik  Toshkent  teatr  va rassomlik  san'ati  institutiga   yetakladi.  U  oliygohni  bitirgach, 1949 yildan boshlab  Hamza nomli  Davlat  akademik  drama  teatrida  ijod  qila boshladi. Erkli Malikboyeva  Abror Hidoyatov,  Obid Jalilov,  Olim Xo`jayev,  Shukur Burhonov, Sora  Eshonto`rayeva,  Zamira  Hidoyatova, Sharif  Qayumov,  kabi ustozlardan kasb mahoratini  o`rganib,  mumtoz  va zamonaviy dramaturgiyada chuqur lirik obrazlar yaratdi. Aktrisa “Hamlet”da Ofeliya,  “Sevgi afsonasi” da Sarvinoz, “Og`riq tishlar” da Nazira, “Iymon”da Oysha, kabi qator obrazlarning ichki dunyosini  to`laqonli, o`ziga  xos  mimika va talaffuz bilan talqin  etdi. Xar bir obraz talabidan kelib chiqqan  holda, uning ko`z ilg`amas tomonlarini, fe'l-atvorlarini bilib olish asosida maqsadiga erishishga harakat qilgan Erkli Malikboyevaning  qaxramonlari  bir-biriga  o`xshamagan insonlardir. Teatr bilan bir qatorda  aktrisa ko`plap  kinofilmlar  dublyajida qatnashdi. Jarangdor  va quvnoq  ovozi tufayli  u ham  o`g`il, ham  qiz  bolalarga ovoz berdi. Aksariyat  filmda aktrisa  Nadejda Rumyanseva  ijrosidagi  obrazlarga  ovoz berardi. Shaxsiy hayot  ko`plab san'atkor  ayollarimiz kabi Erkli Melikboyevani  ham o`z sinovlaridan  bebahra  qoldirmagan.  Aktrisa  birinchi  turmushi Sarkisovdan Valera ismli o`g`il ko`radi, u ham hozirda kino sohasida ijod qilmoqda. Erkli Malikboyevaning o`zbek zamonaviy professional estrada qo`shiqchiligining  asoschisi, “Gullar ochilganda”, “Olovli yo`llar”, “Dahoning yoshligi” kabi filmlarda  ajoyib yaratgan  kinoaktyor, O`zbekiston  xalq  artisti- Botir Zokirov (1936-1985) bilan turmushi umrining baxtli yillari bo`ldi. To`ng`ich  o`g`li Baxtiyor Zokirov (1962-2005 y.) o`zining qisqa umri davomida “Siz kimsiz?”, “Kammi”, “Armon”, “Maysaraning ishi”, kabi qator filmlarda o`ziga hos esda qolarli  obrazlari  bilan  o`zbek kinosida  munosib  o`rin  egallagan  aktyorlardan biri sifatida  tarixga  kirdi.  Ikkinchi o`g`li  Bahodir  esa  hozir taniqli  kompozitor.  81 yoshni  qarshilagan   O`zbekiston  xalq  artisti  Erkli  Malikboyeva  ham  hozirda o`tgan  jo`shqin  hayotini   tahlil   qilishga  o`zida  kuch  topsa-da,  turmush o`rtog`i  va o`g`lining  porloq   xotirasini  so`zsiz  yodga olgan kezlari  yuzlarida ma'yus ҳorg`inlik cho`kadi. Soadatli onlar  sog`inchi ko`zlarini yoshlar ila namlanayotganini  sezadi... 


Sayt “OPEN WEB” tomonidan tayyorlangan