Sulton  Jo’raning «Fidokor» (1939), «Shodligim», «Ochiq chehralar» (1939), Moskva» (1941) she'riy to‘plamlari e'lon qilingan. 1939 yil shoir ijodining eng samarali pallasi bo‘lib, u shu yili «Parvoznoma» balladasi, xalq rivoyatlari asosida «Zangori gilam». «Qaldirg‘och» shuninglek, «Karim va Qunduz» dostonlarini yozgan. Shoirning mashhur italyan astronomiga bag‘ishlangan «Bruno» dostoni (1938) 30-yillarda yaratilgan o‘zbek dostonlarining yaxshi namunalaridan hisoblanadi. Badiiy soddalik, samimiylik, og‘zaki ijodiga yaqinlik Sulton Jo’ra sheriyatining eng yaxshi xususiyatlaridir. Sulton Jo’raning adabiy merosida bolalar hayotidan olingan asarlar alohida o‘rinni egallaydi. Uning so‘nggi asari  - «Iroda» dramasi (1942, Vosit Sa'dulla bilan hamkorlikda) Andijon viloyat teatrida sahnalashtirilgan.

Shoirning jasadi Gomel shahri Losev tumani Kozerogi qishlog‘ida dafn etilgan. Andijon, Buxoro va Shofirkon shaharlaridagi ko‘chalarga, shuningdek Shofirkon tumanidagi maktab, kinoteatr va fuqarolar yig‘iniga Sulton Jo’ra nomi berilgan.

O’zbekiston Milliy ensiklopediyasi.