Fattoh Abdullaev (1914.16.1,Jambul — 1985.11.9, Toshkent) — o‘zbek tilshunosi. O‘zbekistonda xizmat ko‘rsatgan fan arbobi (1984). Filologiya  fanlari doktori (1961), professor (1969), Leningrad  davlat universitetini tamomlagan (1939). Toshkent davlat pedagogika  institutida (1939—44), Namangan davlat pedagogika institutitida (1944—47), O‘zbekiston FA Til va adabiyot institutida (1947 — 50 va 1957 yillardan), Xorazm davlat pedagogika institutida (1950—56) ishlagan. Ilmiy ishlari o‘zbek adabiy tilining tarixi, dialektologiyasi, leksikasi, fonetikasi, grammatikasi, shuningdek badiiy nutq masalalariga bag‘ishlangan. Fattoh Abdullaev Xorazm shevalarini tadqiq qilib, ularning dialektologik xaritasini tuzgan va tasnifini bergan («O‘zbek tilining Xorazm shevalari»).