Armen Borisovich Djigarxanyan Armanistonlik aktyor 1935 yil 3 oktyabrda Yerevanda tavallud topgan. Bolakay yoshligida onasi va o’gay otasi qo’lida tarbiyalangan. Kino va teatrga qiziqish kichik Armenda onasidan o’tgan, shuning uchun maktab yoshidanoq  unda artist bo’lish orzusi uyg’ongan. Ammo 1953 yilda GITISga o’qishga kirolmagandan so’ng u Yerevanga qaytib ketishga majbur bo’lgan. Bu yerda 1954 yilda Yerevandagi badiiy-teatr institutiga qabul qilinadi. V.Gusevning “Ivan Ro‘bakov” pyesasidagi ijrosi uning debyuti bo’lgan. Bu truppada  Armen o’n yil mobaynida ishlagan. Moskvadagi Lenkom teatriga Djigarxanyan 1967 yilda Anatoliy Efros taklifi bilan qabul qilinadi, ikki yillik ijoddan keyin V.Mayakovskiy nomidagi Moskva teatriga taklif qilinadi. Aynan shu yerda uning teatr sohasidagi artist sifatida asosiy faoliyati boshlangan va 30 yil mobaynida davom etgan. 1996 yilda Djigarxanyan bu teatrni tark etadi, ammo boshqa teatrlarda rollar ijro etib yuradi. Aktyorning kinematografiyada faoliyati 1960 yilda “Obval” nomli filmda tanildi,  ammo aktyorga mashhurlik “Zdrastvuy, eto ya!” filmidagi Artyom Mavelyan rolidan keyin keldi. Bu kartinaning namoyishidan keyin aktyorga juda ko’p takliflar tusha boshladi. “Uchburchak”, “Sentyabr oyi kelganda”, “Qasoskorlaning yangi sarguzashtlari”, “”Trest” operatsiyasi”, “Oltinchi iyul”, “Laylakkina”, “Uchrashuv joyini o’zgartirib bo’lmaydi”, “Salom, men xolangizman!”, “Sobaka na sene”, “Tegeran-43”, “Ali-Bobo va qirq qaroqchi”, “Klim Samginning hayoti”, “Shirli-mirli”, “Moskva ta'tillari”, “Uch mushketyor”,”Rud va Sem”- bu filmlar Armen Djigarxanyan ijro etgan rollarning yarmigina xolos. Hammasi bo’lib Armen 250 dan ortiq turli janrdagi rollarni ijro etgan va ayni paytda ham eng ko’p filmlarda tushayotgan aktyor hisoblanadi. Aktyorlikdan tashqari Armen 1991-1996 yillarda VGIKda muallimlik faoliyati bilan ham shug’ullangan. 1996 yilda yana Armen Djigarxanyan nomidagi Teatr-“D”  Moskva drama teatrini tashkil qilgan va u poytaxt teatrlari orasida katta muvaffaqiyat qozongan.U  bir nechta unvon va nishonlar sovrindori bo’lgan. U hozirgi kunda ham tomoshabinlarning sevimli aktyorlaridan biridir. Ayni paytda u Moskvada yashaydi va ijod qiladi.