SHAXSIY KABINETGA KIRISH
.
SSENARIYLAR
 Barcha ssenariylar
ARXIV
Noyabr 2019
YaDuSeChPaJuSh
     12
3456789
10111213141516
171819202122
24252627282930
Mavritaniya Islom Respublikasi Mustaqillik kuni
1960-11-28

Rasmiy nomi - Mavritaniya islom Respublikasi. Poytaxti - Nuakshot. Hududi - 1030700 km. Aholisi - 3622900 kishi (2012). Davlat tili-arab va fransuz. Davlat dini - islom. Pul birligi - ugiya.

Geografik joylashuvi va tabiati. Afrika qit'asining shimoli – g’arbida joylashgan. Sharqda - Mali, janubda - Mali va Senegal, shimolda - Jazoir (463) va Ғarbiy Sahroi Kabir (1561 km) bilan chegaradosh. Quruqlikdagi chegaralari uzunligi - 5074 km. G’arbda Atlantika okeani bilan tutashgan sohili bo’ylab chegara uzunligi - 754 km. Mamlakat hududi asosan pasttekisliklar va uncha baland bo’lmagan yassitog’likdan iborat, shuningdek, G’arbiy Sahroi Kabirning qumaloq va toshloq cho’llari bilan tutashib ketgan. Asosiy tabiiy resurslari: temir rudasi, mis, fosforitlar, gips.

Iqlimi - tropik, cho’lli.

Davlat tuzilishi, siyosiy partiyalari. Davlat tuzilishi - respublika. Mamlakat gubernatorlar boshchiligidagi 12 ta ma'muriy hudud va alohida poytaxt hududidan iborat. Mavritaniya 1960 yilning 28 noyabrida mustaqillikni to’liq qo’lga kiritgan (oldin-fransuz protektorati). Ushbu sana Mustaqillik kuni - milliy bayram hisoblanadi. Qonunchilik islom qonunchiligi-shariatga asoslangan. Davlat va hukumat boshlig’i - prezident. Parlament ikki palatadan- Senat (yuqori palata) va Milliy yig’in (quyi palata)dan iborat. Yirik siyosiy partiyalari: Respublikachilar ijtimoiy - demokratik partiyasi va Demokratiya va birlik yo’lidagi birlashma, Mavritaniya uyg’onish partiyasi.

Tarixi. VIII - XI asrlarda Mavritaniyaning janubiy qismi G’arbiy Afrikada Gana, Tekrur va boshqa davlatlar tarkibida bo’lgan, mamlakat shimoli esa berber qabilalari nazoratida edi. XI - XV asrlarda esa arablar hukmronligi ostiga o’tdi. 1855 yilda mamlakat Fransiya tomonidan okkupatsiya qilindi. 1904 yili  Fransiya Mavritaniyani o’z protektorati, 1920 yili esa mustamlakasi deb e'lon qildi. 1960 yili mustaqillikka erishgandan so’ng mamlakatda bir qator davlat to’ntarishlari (1917, 1980, 1984) va 1989 yili Mavritaniya va Senegal jamoalari o’rtasida etnik qarama - qarshiliklar ro’y berdi. 1991 yildan mamlakatda ko’ppartiyali tizimga o’tildi. Mavritaniya tashqi siyosatida bloklarga qo’shilmaslik, barcha mamlakatlar bilan hamkorlik tamoyiliga amal qiladi.


Sayt “OPEN WEB” tomonidan tayyorlangan