Marina Borodina Rostislavovna 1951 yil 30 sentyabrda Toshkentda tug’ilgan. 1973 yil P.P.Benkov nomidagi Respublika rassomlar bilim yurtining xaykaltaroshlik bo’limini imtiyozli tamomladi. O’sha yili Toshkent teatr va rassomchilik institutining amaliy xaykaltaroshlik bo’limiga o’qishga kirdi. 1978 yil institutni tamomlab, Toshkent Pedagogika institutining badiiy grafika fakultetiga o’qituvchi bo’lib ishga kirdi. 1979 yil Marina Borodina O’zbekiston xaykaltaroshlik va maxobatli san'at badiiy jamg’armasining ijodiy guruhiga a'zolikka qabul qilindi. Shu sabab bo’lib, u Toshkent shahridagi qator yirik xaykaltaroshlik ishlarining muallifiga aylandi. Bulardan ba'zilarini sanab o’taylik: Toshkentdagi “Algoritm” zavodi badiiy bezagi, To’raqo’rg’on shahridagi konsert zalining metall shamdonlari, Olmaliqdagi favvora uchun xaykaltaroshlik ishi, Toshkentdagi akademik Vosit Vohidovning bronzadan ishlangan byusti, “Semurg’” (Oqtosh) dam olish zonasidagi amaliy xaykaltaroshlik ishlari... Marina Borodina xaykaltaroshlik bo’yicha respublika va xalqaro simpoziumlarda qatnashgan, respublika va xalqaro badiiy ko’rgazmalarning doimiy ishtirokchisi. So’nggi paytlarda qator yutuqli xaykallar - “Tarona”, “Salomat” va boshqalarning muallifi hisoblanadi. Uning ijodiy ishlari Gemaniya, Angliya, Fransiya shuningdek O’zbekiston Madaniyat vazirligining kolleksiyalaridan joy olgan. 2001 yil uning shaxsiy ko’rgazmasi O’zbekiston mustaqilligi 10 yillik bayramining Berlin shahrida nishonlanishi tadbirining bir qismi bo’ldi. M.Borodina O’zbekiston rassomlar Akademiyasi, shuningdek, “O’zbekiston - Fransiya” do’stlik jamiyatining a'zosi.Marina Borodina o’z vaqtini pedagoglik faoliyatiga bag’ishladi. So’ngi 6 yil  mobayinida  u Toshkent Arxitektura-qurilish instituti Tasviriy san'at kafedrasi mudiri hamda O’zbekiston Badiiy Akademiyasi qoshidagi Respublika tasviriy va amaliy san'at litseyining “ dizayn” sinfida katta o’qituvchi bo’lib ishlaydi.