JALILOV Ismoil To’laganovich (1948.29.1, Toshkent) - opera xonandasi (dramatik tenor). O’zbekiston xalq artisti (2000). Moskva konservatoriyasida ta'lim olgan (1976-80). “Yalla» ansambli (1975-76), Katta teatr (1979-81), A. Navoiy nomidagi opera va balet teatri (1981-90), Rossiya radio va televideniye qoshidagi Estrada simfonik orkestri (1990-98) da yakkaxon xonanda. 1998yildan O`zbekiston milliy simfonik orkestrining direktori va badiiy rahbari. Nafis, kuchli va keng diapazonli ovoz sohibi. O`zbek va Yevropa operalarida asosiy rollarni mahorat bilan ijro etgan: Cho’pon (S. Yudakov, «Maysaraning ishi»), Roziy (S. Jalil «Zebunniso»), Gersog  Alfred (J. Verdi, «Rigoletto», «Traviata»), Xoze (J. Bizs «Karmen») va boshqalar. Konsert repertuaridan o’zbek (S. Yudakov, H. Rahimov, I. Akbarov. A. Ergashev ) va chet el (S. Raxmaninov, P. Chaykovskiy). Grig, J. Gershvin, A. Babajanyan, Tosti ) kompozitorlarining asarlari, turli xalq (jumladan, italyan) qo’shiqlari o’rin olgan. AQSh, Yevropa va Osiyo mamlakatlarida gastrolda bo’lgan. Riode Janeyro xalqaro tanlovi g’olibi (1979).

Shokirov O’.  O’zbek san’atkorlari.- T., 2010