SHAXSIY KABINETGA KIRISH
.
SSENARIYLAR
 Barcha ssenariylar
ARXIV
Yanvar 2023
YaDuSeChPaJuSh
1234567
891011121314
15161718192021
22232425262728
3031    
Kurash sportini rivojlantirish.
2019-10-2

                                              Kurash sportini rivojlantirish.

Prezident Shavkat Mirziyoevning 2017 yil 2 oktabrdagi «Kurash» milliy sport turini yanada rivojlantirish chora-tadbirlari to‘g‘risida»gi qarori kurashning qadri va ahamiyatini yanada oshirdi. Ushbu qarorga ko‘ra, Xalqaro kurash assotsiatsiyasi tashkil topgan sana – 6 sentabr O‘zbekistonda Kurash milliy sport turi kuni, deb e’lon qilindi.

Hujjatga muvofiq, ushbu sport turi “Umid nihollari”, “Barkamol avlod” va Universiada sport o‘yinlari dasturiga kiritildi. O‘zbekiston kurash federatsiyasi huzurida “Kurash” milliy sport turi markazi” NNT tashkil etildi.

Kurash bo‘yicha Osiyo o‘yinlari, Osiyo va jahon chempionatlari, shuningdek, O‘zbekiston birinchiligi g‘oliblarini oliy ta’lim muassasalariga imtiyozli qabul qilish tartibi joriy etildi.

Sportchilarimiz ham bunday yuksak e’tiborga o‘z zafarlari bilan munosib javob bermoqda. Jumladan, 2017 yil Turkmaniston poytaxti Ashxobod shahrida bo‘lib o‘tgan Osiyo olimpiya kengashining 36-Bosh assambleyasida Kurash XVIII yozgi Osiyo o‘yinlari dasturiga rasman kiritildi. Aynan Ashxobod shahrida yopiq inshootlardagi Osiyo o‘yinlarida mamlakatimiz polvonlari 8 ta (7 ta oltin va 1 ta bronza) medalni qo‘lga kiritdi.

2018 yil Indoneziyada o‘tkazilgan XVIII yozgi Osiyo o‘yinlarida esa yurtimiz sportchilari 12 ta medalga (6 ta oltin, 2 ta kumush, 4 ta bronza), Koreyaning Shindju shahrida o‘tkazilgan kattalar o‘rtasidagi jahon chempionati musobaqalarida esa terma jamoamiz 13 ta medalga (9 ta oltin, 2 ta kumush, 2 ta bronza) sazovor bo‘ldi.

Eng muhimi, milliy kurash boks, shaxmat, tennis, dzyudo, karate kabi sport turlari qatorida jahonda o‘z o‘rniga ega bo‘ldi. «Kurash», «halol», «ta’zim», «to‘xta», «yonbosh» kabi sof o‘zbekona so‘zlar xalqaro sport atamalari lug‘atidan o‘rin egalladi. O‘nlab mamlakatlarda kurash turnirlariga asos solindi. Millati, tili, e’tiqodi turlicha bo‘lgan yuzlab, minglab sportchilar o‘zbekning faxri, g‘ururi – kurashga oshno bo‘ldi. O‘g‘lonlarimiz polvon bo‘lib nom taratyapti, yutuqlarga erishyapti va bu, shubhasiz, bardavom. Eng katta sharaf, haqiqiy g‘alaba shu aslida!

 


Sayt “OPEN WEB” tomonidan tayyorlangan