(1934.30.11, Toshkent) aktyor va rejjissyor O'zbekiston xalq artisti (1974). Toshkent davlat san'at institutini tugatgan (1956), Hamza teatrida aktyor. Asosiy rollari: Ferdinand (“Makr va muhabbat”), Ilyos (“Sarvqomat dilbarim”), Eydzi (“O'girlangan umr”), Mark Tuysk (“Oqpadar”), Niyoz (“Noma'lum kishi”), Yo'lchi (“Qutlug' qon”), G'ofir (“Boy ila xizmatchi”), Edmund (“Qirol Lir”), Ulug'bek (“Mirzo Ulug'bek”), Amir Nasrullo (“Nodirabegim”), Otello (“Otello”) va boshqalar. Aktyorga katta shuhrat keltirgan roli “O'limdan kuchli” spektaklidagi Monserradir. Kinoda Amir Olimxon (“Gang uzra tong”), Bakir (“Maftuningman”), Amir Nasrullo ("Nodirabegim"), Ota Maqsumov (“Uzoq-yaqin yillar”), Mirzakarimboy (“Parol-Regina mehmonxonasi”), Dadaboy (“Qo'qon voqeasi”, telefilm) kabi obrazlar yaratdi. Liriko-dramatik va romantik plandagi rollarni zo'r ehtiros va jo'shqinlik bilan ijro etadi, qahramonlar xarakterini ochishda til boyligidan ustalik bilan foydalanadi, o'z harakatda ko’p ma'no anglatishga, qahramonining his-tuyg'ularini, ichki kechinmalarini tabiiy ifodalashga intiladi, Rejjissyor sifatida “Mirzo Ulug'bek”, “Alisher Navoiy”, “Mehrobdan chayon", ”Chimildiq”, “Mashrab”  kabi spektakllarni sahnalashtirdi.