Har yili 23-dekabr kuni Misr 1956 yilda Buyuk Britaniya, Frantsiya va Isroil qo‘shinlarining mamlakatdan chiqarilgan kunini nishonlaydi. Ushbu kun milliy bayramlardan biriga aylandi va Port-Saidning milliy kuni deb nomlandi.

Port Said - Misrning shimoli-sharqiy qismidagi, O‘rta yer dengizi sohilida, Suvaysh kanalining shimoliy kirish qismida joylashgan shahar. Shahar aholisi 500 ming kishidan oshadi. Port Said Misr uchun oʼziga xos dengiz eshigi. Shahar 1859 yilda tashkil topgan va o‘sha paytda Misr hukmdori bo‘lgan Said Posho nomi bilan atalgan.

Shaharning iqtisodiy asosini baliqchilik va sanoat tashkil qiladi: kimyoviy ishlab chiqarish, oziq-ovqat mahsulotlarini qayta ishlash, sigareta ishlab chiqarish. Shuningdek, Port-Said Misrning paxta va guruch eksporti uchun boshlangʼich nuqtasidir.

1882 yil avgustda Port-Saidni ingliz qoʼshinlari bosib oldi. O‘sha vaqtdan beri Port-Said Angliyaga qarshi anti-imperialistik harakatning markazlaridan biri boʼlib kelgan, 1921 yildan 1954 yilgacha bir necha marta qo‘zgʼolon bo‘lgan.

1956 yil 5-6 noyabrda Angliya-Frantsiya-Isroilning Misrga qarshi bosqini paytida Port-Saidda Angliya-Frantsiya desanti bilan qattiq janglar bo‘lib o‘tdi. Shaharni qahramonona himoya qilish Misrni egallash rejalarini barbod qildi. Xalqaro hamjamiyat bosimi ostida Buyuk Britaniya, Frantsiya va Isroil o‘z qoʼshinlarini olib chiqib ketishdi.

1956 yil 23 dekabrda Port-Said butunlay ozod qilindi. Port-Said uchun jangda ikki yarim mingdan ortiq misrliklar halok bo‘ldi.