Ozarbayjonda va ozarbayjon diasporalari yashaydigan boshqa mamlakatlarda har yili 31 dekabr butun dunyo ozarbayjonlarining birdamlik kuni sifatida nishonlanadi. Ushbu bayram birinchi marta 1991 yil 16 dekabrda Haydar Aliyev tomonidan e’lon qilingan. Bayramning rasmiy kuni 31 dekabr edi.

Aynan 1989 yil 31 dekabrda Naxichevan Avtonom Respublikasi hududida mintaqa aholisi rus-eron chegarasini vayron qildi va bir necha o‘n yilliklarda birinchi marta Eronda yashovchi vatandoshlari bilan birlasha oldi. Shu kuni Istanbulda Jahon ozarbayjonlarining birinchi qurultoyi ochildi. Ushbu ikki unutilmas sana 31 dekabrni ozarbayjonlar birdamlik bayrami deb e’lon qilinishiga sabab bo‘ldi.

   Ushbu bayramning asosiy g‘oyasi butun dunyodagi ozarbayjonlarning birligi va birdamligi, milliy va ma’naviy qadriyatlarga hurmat, shuningdek, tarixiy vatanga daxldorlik tuyg’usidir, chunki taxminiy ma’lumotlarga ko‘ra, ozarbayjonlarning aksariyati tashqarida yashaydi. Eron hududida 30 milliondan ortiq Ozarbayjonlik istiqomat qiladi, bu Ozarbayjonning o‘zida yashaydigan aholidan bir necha baravar ko'pligini bildiradi   shuning uchun ham Birdamlik kuni uzoq masofalarga qaramay, ozarbayjon xalqi uchun birdamligi ramzi sifatida muhimdir.