Moldaviyada xizmat ko’rsatgan san’at arbobi Doga Eujeniu Doga Eujeniu (Evgeniy Dmitrievich) (1937.01.03, Moldaviya, Morka qishlog’i) – moldavan kompazitori. Moldaviyada xizmat ko’rsatgan san’at arbobi (1974), Moldaviya xalq artisti (1982), Moldaviya FA akad.(1991). “Luchaferul” baleti, kantatalar, simfonik va kamer asarlar, teatr spektakllar va 200 ga yaqin kino videofilimlar uchun musiqalar yozgan. Musiqa uslubiga yorqin ifodaviylik, ohangdorlik, jo’shqinlik va milliylik xosdir. Moldavan xalq ohanglari zaminida yaratgan qo’shiqlari (“Gullar ummoni”, “Shahrim haqida qo’shiq”, “Dnestr – mening faxrim” va boshqalar) va ayniqsa, kinofilimlar (“Lautarlar”, “Tabar ko’kka intiladi”, “Mariya -Marabella”, “Menining nozik va yoqimtoy qoplonim”, “Yovoyi” (“O’zbekfilm”), “Jamila” va boshqalar) uchun yozgan musiqalari mashxur.  Moldaviya Davlat mukofati laureate (1980). Xalqaro musiqali  filmlar festivali (Brno, 1991)da kino musiqasi sohasida erishgan buyuk xizmatlari uchun Gran-pri sovrini bilan mukofatlangan.