SHAXSIY KABINETGA KIRISH
.
SSENARIYLAR
 Barcha ssenariylar
ARXIV
Noyabr 2019
YaDuSeChPaJuSh
     12
3456789
10111213141516
171819202122
24252627282930
Ustozim ulug' faxrim.

Ustozim -  ulug’  faxrim

 

1-oktabr— O'qituvchi va murabbiylar kuni umumxalq

bayramiga bag'ishlangan    tadbir   senariysi

 

Ustozning so'zi— mangu mash'ala.

 

Maktab zali va sahnasi bayram ruhiga monand bezatilgan va jihozlangan.  ZaI boyi abohanrabo kuy taraladi. Sahnaga tadbirni olib boruvchi qizlar chiqishadi.

1 - boshlovchi:

— Ey, aziz muallim, aziz muallim,

Sen ulug'   zotlarga bergansan ta'lim.

2-boshlovchi:

— Ey,   aziz muallim,   aziz muallim,

Senga biz abadiy etgaymiz ta'zim.

(Abdulla Oripov)

1-boshlovchi: — Assalomu alaykum, mo'tabar ustoz-u  murabbiylar!

2-boshlovchi:—Assalomu alaykum,  qadrli mehmonlar va maktabdoshlar! «Ta'zimsizga, ustoz-u murabbiylar!» deb nomlangan tadbirimizga xush kelibsiz!

1-boshlovchi: — Jonajon O'zbekistonimizda hormay-tolmay fidokorona mehnat qilayotgan, davlat va millat manfaatlarini yurakdan his etayotgan aziz ustozlar bilan faxrlanamiz.

2-boshlovchi:— Iste'dodli va salohiyatli, har tomonlama sog'lom va barkamol avlodni voyaga yetkazishda o'z zimmasiga katta mas'uliyatni olgan qadrli muallim va murabbiylar! Barchangizni ulug' ayyom bilan muborakbod etamiz!

Maktab rahbari barchani bayram bilan tabriklab, kechani ochiq deb e'lon qiladi.O'quvchilar xor jamoasi O'zbekiston Respublikasi Davlat madhiyasini tantanali ravishda,  musiqa jo 'rligida ijro etadi.

Sahnaga xalq ta'limi muassasalari faoliyatini metodik ta'minlash va tashkil etish bo'limi vakili yoki maktab rahbari taklif etiladi. U ustoz-murabbiylarni qutlaydi.

Mehmonlarga guldasta  in 'om qilinadi.

O'quvchilar doirada «Katta o`yin» xalq kuyini chalishadi.

1-boshlovchi: — «Ustoz» deganda har qaysi inson ko'nglida chuqur hurmat-ehtirom va cheksiz minnatdorlik tuyg'ulari, shu bilan birga, hech qanday boylik bilan o'lchab, ado qilib boimaydigan qarzdorlik hissi paydo bo'ladi.

2-boshlovchi: — Dono xalqimizning bir naqlida: «Sen odamlarga bir yil yaxshilik qilmoqchi bo'lsang, bug'doydek; o'n yil yaxshilik qilmoqchi bo'lsang, tok ekib, bog' qil; umr bo'yi yaxshilik qilmoqchi bo'lsang, muallimlik qil», deyilgan. Demak, o'qituvchilik eng olijanob kasbdir.

1-boshlovchi: — Sohibqiron bobomiz Amir Temur uch holatda zudlik bilan otdan tushar ekan: ustozini uchratib qolganida, non bo'laklarini yerda ko'rganida va qabriston yonidan o'tayotganida. Demak, Sohibqiron muallimlarga nisbatan juda hurmatda bo'lgan. Bu ulug' zotdagi ezgulik va insoniylik xislatlarini ota-onasi va ustozlari tarbiyalagani barchamizga tarixiy manbalardan ma'lum.

2-boshlovchi: — O'qituvchi va murabbiylarni qadrlab, haqli ravishda «Ustoz otangdek ulug'», deya buyuk zotga ehtirom ko'rsatamiz. Nafaqat o'tmishda, balki bugungi kunda ham qalbi quyosh ustozlarni ardoqlash, ularga hurmat bajo keltirish qadriyat darajasiga ko'tarilgan.Yurtboshimiz va davlatimiz tomonidan ustozlarga doimiy e'tibor va g'amxo'rlik ko'rsatilib kelinmoqda. 1997-yildan e'tiboran O'zbekiston Respublikasining «0'qituvchi va murabbiylar kuni»ni belgilash to'g'risida»gi qonuniga binoan, har yili 1-oktabr — O'qituvchi va murabbiylar kuni umumxalq bayrami sifatida nishonlanadigan bo'ldi. Bu sananing dam olish kuni deb e'lon qilinishi barcha o'qituvchi-murabbiylar bilan bir qatorda keng jamoatchilikni ham mamnun etdi.

Haqiqatan   ham ,hech bir davlatda bizdagidek o'qituvchi va murabbiylar kuni umumxalq bayrami sifatida nishonlanmaydi.

Mustaqillik yillarida Respubtikamiz ta'lim sohasida olib borilayotgan islohotlaming amaldagi ifodasini aks ettiruvchi video lavha proyektor orqali namoyish etiladi.

O'qituvchi: — Har yili bayram munosabati bilan Prezidentimizning biz o'qituvchi-murabbiylarga yo'llaydigan tabrik so'zlari, bayram arafasida bir guruh o'qituvchi va murabbiylarning yuksak unvonlar bilan mukofotlanishi, ustozlarga davlatimiz rahbari tomonidan ko'rsatilayotgan hurmat, e'tibor va g'amxo'rlikning amaldagi yorqin ifodasidir. Ta'lim tizimida qo'lga kiritayotgan yutuqlarimiz xalqaro hamjamiyat tomonidan alohida e'tirof etilayotgani barchamizga katta g'urur va iftixor bag'ishlaydi.

Davlatimiz tomonidan bizga mehnat qilishimiz uchun zarur qulaylik va sharoit yaratib berilgan ekan, bunga javoban o'qituvchi o'zining samarali mehnati bilan javob qaytarishi kerak. Buning uchun fidoyi bo'hshimiz, o'z ustimizda tinimsiz ishlashimiz, malakamizni doimo oshirib borishimiz, keng fikrlaydigan, ilg'or pedagogic va axborot-kommunikatsiya texnologiyalaridan amalda unumli foydalanadigan, ijodkor, yoshlar yuragiga chuqur kirib boradigan yuksak fazilat egasi bolishi shart.

O'quvchilar ustozlariga guldasta taqdim etadilar.

Istiqlol yillarida mamlakatimizda sport sohasida qo'lga kiritilayotgan yutuqlarni aks ettiruvchi slayd namoyish etiladi.

1-boshlovchi: — Maktab va mahallani bir-biridan ayricha tasavvur qila olmaymiz. Ular o'rtasidagi mustahkam aloqa aslida uzoq o'tmishga borib taqaladi. Bugungi kunda maktab va mahalla o'rtasidagi hamkorlikni rivojlantirish davlat miqyosidagi masalalardan biriga aylandi.  Bayram tadbirimizda mahalla fuqarolar yig'ini raisi ishtirok etyapti.

Mahalla fuqarolar yig'ini raisi: — O'zbekistonda 10 mingga yaqin mahalla faoliyat ko'rsatmoqda. Maktablar soni ham qariyb shuncha.Bu ikki katta kuch yosh avlod ta'lim-tarbiyasida o'z vazifasini munosib uddalab kelmoqda. Jumladan, men raislik qilayotgan mahalla sizlarning maktabingiz bilan doimiy aloqa o'rnatgan. «Oila—mahalla—ta'lim muassasasi hamkorligi» konsepsiyasi asosida amalga oshirilayotgan ishlar natijasida ko'plab muvaffaqiyatlarga erishmoqdamiz. Hozirgi vaqtdagi faoliyatimizni Vazirlar Mahkamasining 2012-yil 19-iyunda qabul qilingan «Barkamol avlodni tarbiyalashda oila institute va fuqarolarning o'zini o'zi boshqarish orgardarining ta'lim muassasalari bilan o'zaro hamkorligini yanada rivojlantirish chora-tadbirlari to'g'risida»gi qarori asosida tashkil etyapmiz. Maktab bilan aloqani yaxshilab, voyaga yetmaganlar o'rtasida ro'y beradigan huquqbuzarliklarning oldini olish bo'yicha ko'plab tadbirlar uyushtirdik.Bu tadbirlar mahalla noziri, tuman prokuraturasi, fuqarolik sudlari bilan hamkorlikda o'tkazilmoqda.

Kavsar Turdiyeva so'zi,  Anor Nazarov musiqasi bilan yaratilgan «Ustozlarim» qo'shig'ini musiqa jo'rligida bir o'quvchi ijro etadi.O'g'il-qizlar esa raqsga tushadilar.

O'quvchi:

— Tinglang, ta'riflarimiz siz uchun!

Sahnaga bir necha o'quvchi chiqib, hikmat-maqollardan namunalar aytadi:

*  Muallim— jamiyat ko'zgusi.

* Tarbiyachi ongni ongga ulaydi.

*   Ustozning so'zi— mangu mash'ala.

*   Ustozning marhamati— quyoshdek hammaga teng.

*   O'qituvchiningta'limi— insoniyatgayorug'lik.

*  O'qituvchi ma'no dengizining duridir.

*  Yaxshi ustoz nomardni mardga aylantiradi.

* Odoblini hamma yaxshi ko'radi, o'qituvchi esa odobsizni ham mehri bilan yaxshilar qatoriga qo'shadi.

(Matlab beka Ulug'bek qizi.«Hikmatlar guldastasi», «O'qituvchi» nashriyoti, 1994-y.).

Ta'rifiga g'azal bitsang,

she 'r  yozsang,

Yer-u  ko 'kda berur sado muallim.

Qalb me'mori,

Dil chinori— ustozdir,

Farzand mehri ko 'ngilda

Jon muallim.

(Normurod Narzullayev)

 

Bormi murabbiydan

Baxtliroq inson,

Shogirdlari qilsa yuksakka parvoz.

Boshimizga tojsiz,

Bor bo 'ling omon,

Tabarruklar ichra tabarruk ustoz!

(Erkin Vohidov)

2-boshlovchi: — Qadrli ustozlar! Vatanimiz ravnaqi, yurtimiz tinchligi, xalqimiz farovonligi yo'lida xizmat qilib also hormang! Bolajonlik va insoniylik sizlarni hechqachon tark etmasin! Fan bog'ining bog'boni bo'Iib, ziyo bog'ida yetishtirayotgan nihollaringiz kamolini ko'rishdek saodat barchangizga nasib etsin! Bayram yana davom etadi. Marhamat, barchangizni davraga taklif qilamiz.

To'lqin so'zi, Sobir Boboyev musiqasi asosida yaratilgan «Aziz ustozlar!» qo'shig'ini musiqa jo'rligida maktab xor jamoasi ijro etadi

Administrator
Sayt administratori
Ko‘chirib olishni xohlasangiz, saytga a’zo bo‘ling yoki foydalanuvchi nomi ostida kiring.
Hozirgacha hech kim fikr bildirmagan!
Agar fikr bildirmoqchi bo‘lsangiz, iltimos, saytga a’zo bo‘ling yoki a’zo sifatida kiring
Sayt “OPEN WEB” tomonidan tayyorlangan