SHAXSIY KABINETGA KIRISH
.
SSENARIYLAR
 Barcha ssenariylar
ARXIV
Avgust 2019
YaDuSeChPaJuSh
    123
45678910
11121314151617
181920222324
25262728293031
O`zbekiston flora va faunasi

o`zbekiston  Flora va faunasi.

O’simlik olami.

O’zbekistoning o’simlik olami 4000 tadan ortiq o’simlik turlarini o’z ichiga oladi. O’simliklar turlarining 20% qismi – endemik turlardir (boshqa hech qayerda uchramaydi); ularning ko’pchilik qismi tog’larda o’sadi. Dashtlar va sahrolarnig o’simlik olami asosan o’ziga xos butalardan tarkib topgan. Pasttekisliklarda daraxt, buta, o’tsimon o’simliklar kuchli rivojlangan. To’qaylar uchun qamish va qandim o’simliklari xosdir.

Tog’ oldi tekisliklarining manazarlarida o’tlar o’sadi, daraxtlar yo’q, butalar asosan suv oqadigan joylarda uchraydi. Bu yerda piyozlilarning har xil turlari, lolalar, ravoch, safsargul o’sadi. Balandroq joylashgan tekisliklar – bu qora-qo’ng’ir tuproqlardagi quruq, turli o’t o’simliklari o’sadigan dashtlardir. Toshli joylarda butalar ham o’sadi – bodom, kavrak, turli o’tlar.

Qir-adirlarda va past tog’li joylarda asosan qimmatbaho daraxt turi – zarafshon archasi o’sadi. Shuningdek bargli daraxtlar turlari ham keng tarqalgan: do’lana, chinor, jiyda, yovvoyi olma turlari, yong’oqlar, pista, qayin, terak, olcha turlari ham o’sadi. Past tog’li joylar butasimon o’simliklarga juda boy: archasimon butalar, na’matak, tavolga, yovvoyi uzum, zira juda mo’l. O’tlarning turlari ham juda xilma-xil: marmarak, zizifora, ravoch, shovul, lola va boshqa lolaguldoshlar, pskem piyozi (qimmatbaho dorivor o’simlik). O’rta baland tog’larda na’matak va boshqa butalar o’sadi. Baland tog’larda tuproqning faqat 30 % qismi o’simliklar bilan qoplangan. Bu yerda asosan tipchoq o’sadi.

Hayvonot dunyosi.

O’simlik olami kabi O’zbekiston Respublikasiinng hayvonot olami ham turli-tumandir. Bu yerda Osiyo hayvonlarining ko’pgina vakillari uchraydi. Ularning ichida: sut emizuvchilar (bo’ri, tikquloq tipratikon, tulki, qursoq, quyon, jayron, sayg’oq, yovvoyi cho’chqa, morxo’r, tog’ qo’yi, bo’rsiq, toshli tulki, ayiq, qoplon, gornostay, Sibir tog’ echkisi,  Hind kalamushi, chiyabo’ri, Buxoro bug’usi, yumronqoziq, tovushqon), sudralib yuruvchilar (toshbaqa, gekkonlar, agama, qum iloni, o’qilon, O’rta Osiyo ko’zoynakli iloni, qalqontumshuq ilon, ola chipor ilon, Oloy ochiqko’zi), Qushlar (to’xtatuvaloq, qoraquyruq bulduruq, qarqunoq, balchiqqush, targ’ilqush, dasht sori, xo’jasavdogar, olato’g’anoq, moyqut, sichqonbosh, ovsyanka, kaptar, qora kalxat, oqbosh qumoy, burgut, Himolay ular qushi, boltayutar, mayna, olaqarg’a, tustovuq, kakku qushi, sariq qush, qorayaloq, qarg’a, qora qarg’a, janubiy bulbul, mo’ylovli , qamish ovsyankasi, ko’kqush), hasharotlar va boshqalar bor.

Suv havzalarida 70 ga yaqin turdagi baliqlar uchraydi: Orol xonbalig’i, Amudaryo forel balig’i, cho’rtan baliq, Orol plotvasi, Orol mo’ylovbalig’i, sazan, kumush karas balig’i, laqqa baliq, sudak, okun, ilonbaliq, oddiy tolstolobik, oq amur balig’i.

 

 

 

Administrator
Sayt administratori
Ko‘chirib olishni xohlasangiz, saytga a’zo bo‘ling yoki foydalanuvchi nomi ostida kiring.

Hozirgacha hech kim fikr bildirmagan!
Sayt “OPEN WEB” tomonidan tayyorlangan