Yusupova Zarina 1998 yilda Denov tumanida tug‘ilgan, 22-umumiy o‘rta ta'lim maktabining  9-sinfida o‘qiydi, she'rlari tuman matbuotida e'lon qilingan.

Yurtga xizmat qilamiz

Faol bo‘lgaymiz har ishda,

Bo‘shashmaymiz o‘qishda.

Biz ahilmiz, biz quvnoq,

Hayotimiz xushchaqchaq.

O‘qib bilim olamiz,

Elga sodiq bo‘lamiz.

Ozmi-ko‘pmi barchamiz,

Yurtga xizmat qilamiz.

O‘zbekiston

So‘limdir yuksak tog‘lari,

Go‘zaldir ko‘m-ko‘k bog‘lari,

Quchog‘ida yayrayman har on,

Go‘zal o‘lkam jon O‘zbekiston.

Vodiylari yam-yashil,

Gullaridir xilma-xil,

Bu olamda durdona,

O‘zbekiston yagona.

Xalqi tanti mehnatkash,

Dehqonlari zahmatkash,

Ona yurtim bo‘lgin omon,

Gulla, yashna, O‘zbekiston!