Respublika bolalar kutubxonasi Davlat muhofazasidan me'morchilik yodgorligi bo‘lmish qadimiy binoda joylashgan. Binoni 1907 yilda boy savdogar aka-uka Vod'yayevlar o‘zlari uchun qurganlar. Tez orada bino shahar general-gubernatori ixtiyoriga o‘tkazilgan. Binoda shahar ulamolarining yig‘ilishlari, yubiley tantanalari va ballar ham o‘tkazilar edi.

           1965 yilga qadar Respublikada bolalar kutubxonalari faoliyatini umumlashtiruvchi, uslubiy yo‘l - yo‘riqlar ko‘rsatadigan tashkilot bo‘lmagan edi. Shu davrdan boshlab Respublika bolalar kutubxonasi uslubiy markaz vazifasini bajarishni o‘z zimmasiga oldi.Kutubxona viloyat bolalar kutubxonalari faoliyatini boshqarib, ilmiy - uslubiy va amaliy yordam ko‘rsatgan.

 

Bugungi kundagi faoliyati

 

             Respublika bolalar kutubxonasi yiliga 13 mingdan ziyod kitobxonlarga xizmat ko‘rsatib kelmoqda. Ko‘p sonli kitobxonlarni bog‘cha bolalaridan boshlab, to 1-11 sinf o‘quvchilari tashkil etadi. Shuningdek, Toshkent shahridagi barcha maktab o‘quvchilari va o‘qituvchilariga hamda maktab kutubxonachiilariga kutubxona xizmati ko‘rsatilmoqda.

             Kutubxona har jihatdan qulay va shinam. Kichkintoylardan tortib to kattalarning ham qiziqishiga javob beradigan kitob zahirasiga ega. Kutubxonaning asosiy vazifasi kitobni targ‘ibot qilishdan uni keng kitobxon ommasiga yetkazishdan iboratdir.

         www.kitob.uz , www.odob.uz, www.taqvim.uz saytlari hamda yutub, facebook, intstagram va telegramdagi sahifalari bilan kitobxonlariga online xizmat ko’rsatadi. Bundan tashqari, yosh kitobxonlarga qulaylik yaratish maqsadida           QR kod yordamida internetda osongina topiladigan elektron kitoblar katalogi ham yo‘lga qo‘yilgan. Buyuk shaxslarning hayot va ijodi haqida ma'lumot beruvchi hujjatli filmlar to‘plami ham bolaning dunyoqarashini o‘stirish, tarix bilan yaqindan tanishtirishga xizmat qiladi.

 

Respublika bolalar kutubxonasining asosiy vazifa va funksiyalari.

 

          -Zamonaviy va yuqori samarali axborot texnologiyalaridan foydalangan holda axborotlar olishning manbai, shakl va metodlarini tanlash imkoniyatini taʼminlash orqali oʻquvchilarning intellektual, bilim, maʼnaviy-axloqiy va madaniy ehtiyojlarini har tomonlama qondirish uchun qulay shart-sharoitlar yaratish;

          -Kitobxonlarga xizmat koʻrsatish shart-sharoitlarini, shakl va usullarini takomillashtirish, maxsus dasturlarni joriy etish, elektron axborot-maʼlumot xizmatlari yaratish, zamonaviy kompyuter vositalaridan va maʼlumotlar uzatish texnologiyalaridan foydalanish asosida kutubxonalar faoliyati jarayonlari avtomatlashtirilishini taʼminlash;

           -Xorijiy ilmiy-taʼlim maʼlumotlar bazalariga ulangan holda yigʻma elektron katalogini va kitob fondini shakllantirish va yuritish;

          -Yigʻma elektron katalogni shakllantirish va yuritish;

kutubxona fondini milliy va chet el nashrlari bilan tizimli toʻldirib borish, nashrlarning bibliografik hisobini yuritish;

          -Yurtimiz hamda jahon tajribalariga tayangan holda tizimdagi kutubxonalar uchun book reader milliy model standartlarini amaliyotga joriy qilish;

          -Umumiy oʻrta taʼlim maktablari kutubxonalari fondini tahlil qilish, yangi adabiyotlar bilan boyitish boʻyicha takliflar ishlab chiqish;

          -Audio va audiovizual resurslar tayyorlash va tarqatish;

          -Foydalanuvchilarga kataloglar, kartotekalar va bibliografik maʼlumot berishning boshqa shakllari orqali kutubxona fondi tarkibi toʻgʻrisida maʼlumot taqdim etish;

           -Oʻquvchilarning umumiy va yakka tartibda kitob oʻqish madaniyatini, ijodiy fikrlashini rivojlantirishga yordam beruvchi ommaviy kitobxonlikni tashkil etish;

           -Ommaviy axborot vositalarida targʻibot va tashviqot ishlarini amalga oshirish, tegishli muassasalar bilan hamkorlikni yoʻlga qoʻyish;

           -Kutubxonaning maʼlumot-qidiruv apparati (kataloglar, kartotekalar, maʼlumotlar bazalari) bilan ishlash boʻyicha foydalanuvchilarga maslahatlar berish;

           -Madaniy-maʼrifiy tadbirlar, jumladan, adabiyotlarning ochiq va mavzuli koʻrgazmalari, turli ommaviy tadbirlar, kitobxonlik klublarini tashkil etish;

           -Foydalanuvchilarga masofadan turib hujjatlarni elektron yetkazib berish (elektron pochta orqali);

           -Maktab oʻquvchilarining axborot madaniyati va mediasavodxonligini shakllantirish.

Bo‘limlar

 

1.     Uslubiy bo’lim

2.     Madaniy-ommaviy tadbirlarni tashkillashtirish bo‘limi

3.     Xududiy kutubxonalar bilan ishlash va monitoring bo‘limi

4.     Marketing bo’limi

5.     Axborot resurslari va texnologiyalari

6.     Kitoblarni jamlash va katalog yaratish bo‘limi

7.     Ma’lumot va bibliografiya bo’limi

8.     Kitobxonlarga xizmat ko‘rsatish bo‘limi

9.     Adabiyotlarni saqlash bo‘limi

10.  Media bo’limi

 

Uslubiy bo‘lim 

1.Uslubiy bo‘lim Respublika bolalar kutubxonasi (keyingi o‘rinlarda          Kutubxona)ning tuzilmaviy bo‘linmasi bo‘lib, kutubxona faoliyatining asosiy yo‘nalishlarini uslubiy, tashkiliy va konsultativ ta’minlashni amalga oshiradi;

2.Uslubiy bo‘limni kutubxona direktorining tashkiliy va marketing masalalari  bo‘yicha o‘rinbosari nazorat qiladi; 

       3.Kutubxona faoliyatini aniq belgilaydigan huquqiy, tashkiliy va me’yoriy hujjatlarni ishlab chiqishda qatnashadi, кutubxona ishi amaliyotiga joriy qilishga ko‘maklashadi;

      4.Kutubxona faoliyati sohasida ilmiy tadqiqotlarni o‘tkazishni tashkil qiladi va amalga oshiradi;

      5.Kutubxonaning ilmiy-tadqiqot faoliyatini muvofiqlashtiradi;

      6.Kutubxona faoliyatida innovatsion jarayonlarni boshqaradi, innovasiyani rivojlantirish uchun uslubiy bazani yaratadi;

      7.Milliy madaniy merosni targ‘ib qilish, shaxsning axborot madaniyati, bibliografik xizmat ko‘rsatish, kutubxona fondini shakllantirish, hisobga olish, foydalanish va saqlashning samarali shakllari va usullarini ishlab chiqadi va joriy qiladi;

       8.Kutubxona mutaxassislarining malakasini oshirish va qayta tayyorlash bo‘yicha dasturlarni ishlab chiqadi va ishini tashkil qiladi; 

       9.Kutubxona muassasalarining tobora o‘sib borayotgan ish amaliyoti tajribasini o‘rganish, aniqlash va joriy qilish maqsadida kutubxona faoliyati sohasida ilmiy-tadqiqot ishlarini olib borish;

10.Uslubiy bo‘lim, uslubiy-bibliografik, ma’lumot beradigan qo‘llanmalar, instruktiv hujjatlar, metodik tavsiyalar, kutubxona faoliyatining dolzarb muammolari bo‘yicha instruktiv-uslubiy ma’lumotlarni tuzish;

11. Uslubiy bo‘lim huquqlari jamoaviy bajaruvchi sifatida bo‘lim rahbariga beriladi:

12.Belgilangan tartibda bo‘lim xodimlarini saralash va taqsimlashni amalga oshiradi;

 

Madaniy-ommaviy tadbirlarni tashkillashtirish bo‘limi

 1.Respublika bolalar kutubxonasi madaniy-ommaviy tadbirlarni tashkillashtirish bo‘limi  tashkiliy ishlarni amalga oshiruvchi, kutubxonaning barcha bo‘limlariga, viloyat bolalar kutubxonalariga tadbirlarni tashlillashtirishda yordam beruvchi tarkibiy bo‘linmasidir.

2.Bo‘lim faoliyatini kutubxona direktori va direktorning tashkiliy va marketing masalalari  bo’yicha o‘rinbosari nazorat qiladi.

3.Bo‘lim kutubxona faoliyati yuzasidan chiqarilgan hukumat qarorlariga, kutubxona ustaviga, ushbu nizomga, lavozim yo‘riqnomalariga, kutubxonaning ish rejasiga va me’yoriy hujjatlarga muvofiq faoliyat olib boradi.

4.Bo‘lim madaniy-ommaviy tadbirlar (ko‘rik-tanlovlar, ommaviy va ko‘ngilochar o‘yinlar, dam olish kechalari, turli muhim sanalarga bag‘ishlangan teatrlashtirilgan bayramlar, musobaqalar, tomoshalar va boshqa tadbirlar)ni tashkil etadi.

5.Bo‘lim maktab va maktabdan tashqari bolalar ta’lim tarbiyasi bilan shug‘ullanuvchi muassasalarda o‘quvchilarning qiziqishlariga ko‘ra klublar, uyushmalarni tashkil etishda ishtirok etib, ularni ijodiy faoliyatga jalb etish, madaniy-ommaviy ishlarni tashkil etish shakllarini takomillashtirish bo‘yicha seminarlar o‘tkadi.

6.O‘quvchilarni vatanga muhabbat, milliy an’analar va xalqimizning urf-odatlariga, buyuk olimlar, san’at, madaniyat va sport ustalariga hurmat, sodiqlik va faxrlanish tuyg‘usida tarbiyalaydi

7.Bo‘lim muntazam ravishda   madaniy-ommaviy, tarbiyaviy tadbirlarni o‘tkazish bo‘yicha uslubiy materiallarni ishlab chiqish, tadbirlarga mos adabiy va musiqa repertuarini tanlaydi, sahna ko‘rinishiga jihozlarni tayyorlaydi.

8.Hududiy bolalar kutubxonalari, ta’lim muassasalari, tegishli manfaatdor tashkilot, idoralar bilan hamkorlikda shaxsni kamol toptirishga qaratilgan o‘quv-tarbiyaviy yo‘nalishdagi turli tadbirlarni tashkil qiladi

9.Bolalar kutubxonalari faoliyati yuzasidan tayyorlangan maktabdan tashqari ta’limga qo‘yilgan davlat talablarining mazmunini, to‘garak dasturlarini va kasbga yo‘naltirish ishining tashkiliy-pedagogik asoslarini, yozgi ta’til paytida ishlashni tashkil qilish shakllari va metodlarini yuritadi;

10.O‘quv-dasturiy hujjatlar, to‘garak yo‘nalishlari bo‘yicha o‘quv rejalari, ta’lim dasturlari va boshqa o‘quv metodik hujjatlarni ishlab chiqish tamoyillari va tartibini amalga oshiradi;

11.Ma’naviy-axloqiy tarbiyani amalga oshirishda ta’lim muassasalari, jamoat tashkilotlari bilan hamkorlikni rivojlantirish yo‘nalishlarini amalga oshiradi;

12.Bo‘lim ish rejasida belgilangan vazifalarni ijrosini o‘z vaqtida ta’minlash va hisobotlarini yuritadi.

 

 

Hududiy kutubxonalar bilan ishlash va monitoring bo‘limi

1.Hududiy kutubxonalar bilan ishlash va monitoring bo'limi faoliyatga doir me'yoriy  hujjatlarning ijrosini “Bolalar kutubxonasi” tarkibidagi bo'linmalar tomonidan o'z vaqtida, to'liq va sifatli bajarilishi yuzasidan monitoring olib boradi.

2.Tizimdagi kamchiliklarni aniqlaydi va ularni bartaraf etish chorasini ko'rish bilan shug'ullanadi.

3.Maktabdan tashqari ta'lim sifatini oshirish yuzasidan pedagoglar va ota-onalar fikrlarini o'rganadi va tahlil qiladi.

4.“Bolalar kutubxonasi” faoliyatining barcha yo'nalishlari bo'yicha monitoring olib boradi va o'tkazilgan monitoring natijalari yuzasidan reja asosida uslubiy kengashga tahliliy materiallar tayyorlaydi.

5. “Bolalar kutubxonasi”ning ish rejasi asosida amalga oshirilgan ishlar yakunini tahlil qiladi, kamchiliklarni bartaraf etish chora-tadbirlarini belgilash yuzasidan tahliliy ma'lumot tayyorlaydi.

6. Hududiy kutubxonalarda reja asosida o'tkazilgan tadbirlar monitoringini olib boradi va jamlaydi.

7. Xalq тa'limi vazirligining 2013 yil 31 yanvardagi 35-sonli buyrug'ining ijrosini ta'minlash maqsadida Xalq ta'limi tizimidagi umumta'lim maktablarida uch bosqichli “Kitobxonlar bayrami” tadbirlarini o'tkazish bo'yicha Respublika miqyosida o'tkazilgan tadbirlar tahlili va hisobotini tayyorlaydi.

 

Marketing bo’limi 

1. Marketing bo‘limi korxonaning mustaqil tarkibiy bo‘linmasi hisoblanib, tashkilot direktorining buyrug‘i bilan tashkil etiladi va tugatiladi.

2. Marketing bo‘limi quyidagi vazifalarni taʼminlaydi:

- marketing strategiyasiniishlab chiqadi;

- kutubxonani rivojlantirish strategiyasini ishlab chiqadi;

3. Marketing bo‘limi – yangi mijozlarni maxsulot, tovar yoki xizmat uchun jalb qiladi, ularga yuqori isteʼmol sifatini taklif qiladi.

4. Marketing bo‘limi eski mijozlarni saqlab qolgan holda, ularning tinimsiz o‘zgarib turuvchi ehtiyojlarini qondiradi;

5. Kutubxona tomonidan o‘tkaziladigan festival, tadbir, seminarlarda ishtirok etib kitob, jurnal, va audio resurslarni ko‘rgazmasini tashkil qilinishida ishtirok etadi;

6. Bo‘lim xodimlari bilan birgalikda bo‘lim yuriqnomasining loyihasini ishlab chiqadi va tasdiqlash uchun rahbariyatga kiritadi;

7. Ushbu yo‘riqnomaga muvofiq bo‘limga yuklatilgan vazifalarning

bajarilishini taʼminlaydi ;

8. Bo‘limning ish faoliyatini talab darajasida tashkil etadi;

- bo‘lim xodimlari tomonidan ichki mehnat intizomiga rioya qiladi;

-bo‘lim tomonidan tayyorlangan va imzolash uchun rahbariyatga kiritiladigan xujjatlarning o‘rnatilgan talablarga mos bo‘lishini taʼminlaydi;

9. Kutubxona tomonidan o‘tkaziladigan festival, tadbir, seminarlarda ishtirok etib kitob, jurnal, va audio resurslarni ko‘rgazmasini tashkil qilinishida ishtirok etadi;

10. Yangi  mijozlarni maxsulot , tovar yoki xizmat uchun jalb qiladi, ularga yuqori isteʼmol sifatini taklif qiladi;

 

Axborot resurslari va texnologiyalari

 

1.Respublika bolalar kutubxonasining  kitobxonlarga  axborot  texnologiyalari va elektron resurslar orqali xizmat ko‘rsatuvchi mustaqil tarkibiy bo‘linma hisoblanadi,

        2.Bo‘lim kutubxona ishi va axborot kommunikatsiya texnologiyalari bo‘yicha chiqarilgan hukumat qarorlariga, kutubxona Ustaviga, ushbu Nizomga, lavozim yo‘riqnomalariga, kutubxonaning  yillik  ish rejalariga va me`yoriy hujjatlarga muvofiq faoliyat olib boradi.

3.Axborot-kommunikatsiya texnologiyalari asosida axborot-kutubxona resurslaridan o`zaro foydalanishni ta`minlaydi;

        4.O‘quvchilarning qiziqishlari va axborotga bo‘lgan ehtiyojlarini  o‘rganish asosida har xil manbalarda axborot resurslari taqdim etadi;

        5.Masofadan turib internet orqali kitobxonlikni rivojlantirish bilan birga mustaqil o‘qish ko‘nikmasini rivojlantirish ishlarini olib boradi;

        6.Foydalanuvchilarga bilim olish va dam olish jarayonlarini tashkil etishga, videofilmlarni, audioresurslardan  foydalanish, rivojlantiruvchi  kompyuter o‘yinlarining tomoshasini tashkil etishga yordam beradi;

7.Belgilangan tartibda www.kitob.uz respublika veb saytlarga  ulanish, uning  resurslaridan o‘quvchilarning keng foydalanishini ta`minlaydi;

8.Kutubxona maktabgacha, maktab va maktabdan tashqari bolalar ta`lim tarbiyasi bilan shug`ullanuvchi muassasalarga yordam tariqasida ilmiy-uslubiy, ma`lumot –bibliografik faoliyatini axborot-texnologiyalari yordamida olib boradi;

9.Maktab o‘quvchilari, bolalar va o‘smirlar uchun mo‘ljallangan ilmiy, ma`rifiy, ma`naviy adabiyotlar, audiovisual va elektron resurlarni yig‘adi va saqlaydi;

10.Maktab o‘quvchilari, bolalar va o‘smirlar uchun mo‘ljallangan barcha turdagi o‘lkashunoslikka oid adabiyotlarni, audiovisual, elektron resurslarni va materiallarni yig‘adi va saqlaydi;

11.Elektron kutubxonaning, kutubxona resurslarini yaratish, ulardan foydalanish va ularni taqdim etish “Mualliflik huquqi va turdosh huquqlar to‘g‘risida”gi O‘zbekiston Respublikasi Qonuni talablarini hisobga olgan holda amalga oshirish.

12.Zamonaviy orgtexnika va kompyuter texnikasining texnik xizmatini, ish holatini ta’minlash va nazoratini amalga oshirish hamda muntazam profilaktika ishlarini olib borish;

13.Kompyuter uchun ehtiyot qismlarini sotib olishga buyurtma berish, ularni kapital ta’mirlash;

14.Axborot texnologiyalari yangiliklaridan doimo habardor bo‘lib turish, yillik, choraklik va oylik shaxsiy ish rejalarini tayyorlash;

15.Yillik ish rejalarini tuzish hamda reja asosida bajarilgan ishlarning hisobotlarini tayyorlash;

16.Kutubxona mulkiga ehtiyotkorona munosabatda bo‘lish, ijro intizomiga rioya qilish;

17.Kutubxona ish faoliyatida mavjud bo‘lgan kamchiliklar va ularni bartaraf etish choralari haqida bo‘lim boshlig‘iga, kutubxona direktoriga takliflar kiritish;

18.Axborot texnologiyalari yangiliklaridan doimo habardor bo‘lib turish, yillik, choraklik va oylik shaxsiy ish rejalarini tayyorlash;

19.Yillik ish rejalarini tuzish hamda reja asosida bajarilgan ishlarning hisobotlarini tayyorlash;

20.Kutubxona mulkiga ehtiyotkorona munosabatda bo‘lish, ijro intizomiga rioya qilish;

 

 

Kitoblarni jamlash va katalog yaratish bo‘limi 

1.Respublika bolalar kutubxonasining “Kitoblarni jamlash va adabiyotlarining katalogini yaratish” bo‘limi kutubxonaning umumiy fondini yangi adabiyotlar va elektron resurslar bilan ta‘minlovchi mustaqil tarkibiy bo‘limidir.

2.Bo‘lim faoliyatini kutubxona direktori va direktorning axborot texnologiyalari  bo‘yicha o‘rinbosari nazorat qiladi.

3.Bo‘lim kutubxona ishi bo‘yicha chiqarilgan hukumat qarorlariga, kutubxona Ustaviga, ushbu Nizomga, lavozim yo‘riqnomalariga, kutubxonaning yillik ish rejalariga va me‘yoriy hujjatlarga muvofiq faoliyat olib boradi.

4. Kitob fondining shakllanishini tashkil etadi, uning tarkibini yaratadi, adabiyotlar bilan ta‘minlaydi;

5.Kutubxona fondini o‘zbek va jahon bolalar adabiyoti, ensiklopediyalar, pedagogikaga oid adabiyotlar hamda iqtisodiy sohalariga doir, xorijiy tillardagi (axborot) adabiyotlar bilan to‘ldiriladi;

6.Respublikada nashr etilayotgan davlat tilidagi va boshqa qardosh tillardagi bolalar va o‘smirlar adabiyoti, xalq ta‘limiga doir barcha adabiyotlar bilan to‘ldirishni ta‘minlaydi;

7.Kitob fondini butlash, to‘ldirish uchun barcha manbalardan: nashriyotlar, kutubxona kollektori, kitob do‘konlari, beg‘araz yordamlar, chet el va milliy-ma‘naviy markazlar sahovat sovg`alaridan foydalanadi;

8.Chop etilgan nashrlarning umumiy va yakka hisobini olib boradi;

9.Adabiyotlarga texnik va ilmiy ishlov berishni amalga oshiradi;

10.Kitoblar fondi tarkibini boyitish ishini ta`minlaydi.

11.Kutubxona fondida mavjud eskirgan adabiyotlarni yangilanishini ta`minlaydi;

12.Bo‘lim kutubxonaning umumiy fond hisobini yuritadi;

13.Bo‘lim yangi olingan adabiyotlar va elektron resurslar uchun bibtexnika vositalari bilan ta`minlaydi;

14.Kutubxonaning bo‘lim boshliqlari bilan birgalikda kutubxona fondini yangi adabiyotlar va elektron resurslar bilan ta`minlash bo‘yicha ishlarni tashkil qiladi;

15.Umumiy fondni yanada boyitish va kitobxonlarni kutubxonaga jalb qilish hamda kitobxonlar qamrovini kengaytirish maqsadida hamkor tashkilotlar orqali qo‘shimcha adabiyotlar bilan ta`minlash bo‘yicha ishlarni olib boradi;

16.Bo‘lim xodimlari kutubxona bo‘limlaridagi adabiyotlar fondini inventarizatsiyadan o`‘tkazishda ishtirok etadi;

17.Kutubxona fondiga olingan adabiyotlarni sistematik, alifboli katalogini va yangi elektron resurslarning topologik kartochkasini shakllantiradi;

18.Bo‘lim umumiy fondini kutubxonaning barcha bo‘limlaridan taqdim qilingan kitobxonlar tomonidan so‘ralgan adabiyotlar so‘rovnomasi asosida to‘ldirib borilishini ta`minlaydi;

19.Bo‘lim kutubxona fondini yanada to‘ldirish, kitobxonlar sonini ko‘paytirish va soha vakillariga uslubiy yordam ko‘rsatish maqsadida vaqtli va davriy nashrlarga obuna bo‘lishishlarini tashkil qiladi.

20.Kutubxona fondini o‘zbek va jahon bolalr adabiyoti, ensiklopediyalar, pedagogikaga oid adabiyotlar xamda iqtisodiy soxalarga doir, xorijiy tillardagi (axborot) adabiyotlar bilan to‘ldiradi.

 

 

 

Ma’lumot va bibliografiya bo‘limi 

1. Ma’lumot va Bibliografiya bo‘limi Respublika bolalar kutubxonasi (keyingi o‘rinlarda kutubxona)ning O‘zbekiston Respublikasida chiqariladigan nashrlarning davlat bibliografik hisobini olib boradi, bibliografiya sohasida ilmiy-metodik rahbarlik qiladi va milliy bibliografik ma’lumotlar bazasini shakllantiradi. 

2.Ma’lumot va Bibliografiya bo‘limi ishini direktorning axborot texnologiyalari bo‘yicha o‘rinbosari nazorat qiladi. 

3.Kutubxonaga olingan majburiy nusxalar asosida davlat bibliografik hisobini olib borish;

4.Majburiy nusxa nashrlarining hududiy bibliografik hisobga olish borasida kutubxona muassasalari bilan hamkorlik qilish; 

5.Foydalanuvchilar, ilmiy va ishlab chiqarish jamoalarining bibliografik axborotga bo‘lgan ehtiyojlarini tezkorlik bilan qondirish;

6.Milliy madaniyat va adabiyotni bibliografiya vositasi bilan targ‘ib qilish;

7.Kutubxona ishiga oid istiqbolli va joriy rejalarni ishlab chiqishda va ularni amalga oshirish jarayonlarida bevosita ishtirok etish hamda ularning sifat darajasini oshirish; 

8.Axborot va bibliografiya sohasiga oid dasturlar va boshqa hujjatlarni ishlab chiqishda ishtirok etish;

9.Kutubxonaning ma’lumot-bibliografik apparatini barpo etish va yuritishda, bibliografik ma’lumotlarni tayyorlashda qatnashish;

10.Foydalanuvchilarga yangi asarlardan individual va jamoaviy tarzda xabardor etish hamda bibliografik ma’lumot va axborotlar etkazib berish;

11.Bibliografik materiallar va qo‘llanmalar tayyorlashda, kutubxonaga taalluqli texnologiyalarni ishlab chiqishda va ularni amalga oshirish jarayonlarida kitob tarixi sohasidagi ilmiy tadqiqotlarda ishtirok etish;

12.Boshqa kutubxonalar hamda ilmiy-texnikaviy axborot organlari bilan bibliografik faoliyatni amalga oshirish;

13.O‘ta murakkab bibliografik ma’lumotlarning bosma va elektron shakllarini tayyorlash, ular yuzasidan maslahatlar berish hamda targ‘ib qilish;

14.Kutubxonaning an’anaviy va elektron tashuvchilardagi ma’lumotlar-bibliografik apparati (kataloglar, kartotekalar, adabiyotlarning tavsiyaviy ro‘yxati, axborot materiallari)ni yuritish;

15.Yangi axborot texnologiyalari orqali milliy bibliografik ma’lumotlarni shakllantirish;

16.Foydalanuvchilar, tashkilotlar va muassasalar talablariga ko‘ra mavzular bo‘yicha yozma bibliografik ma’lumotlar bajarish;

17.Respublika kutubxona muassasalariga bibliografiya, ma’lumot-bibliografik ishlarini takomillashtirishda metodik va amaliy yordam ko‘rsatish;

18.Kutubxona muassasalari va xorijiy kutubxonalarni o‘z faoliyatida o‘rganadi va amaliyotda tajribasini qo‘llaydi, shuningdek ilmiy yutuqlarini taqdim etish;

19.Bo‘limda olib boriladigan va bajarilgan ishlar bo‘yicha yillik hisobotlar tuzish;

20.Bibliografik ma’lumotlar haqida mutaxassislarning malakasini oshirish va qayta tayyorlash bo‘yicha konferensiyalar, o‘quv seminarlar tashkil qilish;

 

Kitobxonlarga xizmat ko‘rsatish bo‘limi

 

        1.Kitobxonlarga xizmat ko‘rsatish bo‘limi kitobxonlarning barcha sohadagi                       adabiyotlarga bo‘lgan qiziqishlari, talab va ehtiyojlarini qondiruvchi, an‘anaviy hamda milliy va xorijiy nashrlar bilan bog‘liq bepul xizmat ko‘rsatuvchi madaniy-ma‘rifiy hamda mustaqil tarkibiy bo‘limma hisoblanadi.

2.Bo‘lim kutubxona ishi bo‘yicha chiqarilgan hukumat qarorlariga, kutubxona Ustaviga, ushbu Nizomga, lavozim yo‘riqnomalariga, kutubxonaning yillik ish rejalariga va me`yoriy hujjatlarga muvofiq faoliyat olib boradi.

3.Kutubxonachilik xizmatlari bo‘yicha turli yoshdagi kitobxonlarga kitob va axborot xizmatlarini tashkil etadi:

4.Kitobxonlar tomonidan uyda va o‘qish zalida adabiyotlarni tarqatish orqali o‘quvchilarning talablarini tezkorlik bilan qondirish va keng kitoblar tanlovini taqdim etadi;

5.Kitobxonlar bilan shaxsiy ishlash jarayonida o‘qishga rahbarlik qiladi, kutubxona hamda bibliografik bilimlarni ommaviy targ‘ib qiladi va o‘qish madaniyatini rivojlantiradi;

6.Kutubxona foydalanuvchilariga fondning xavfsizligini ta‘minlaydi;

7.Kutubxonachilik sohasi orqali kitobxonlarda tarixiy va milliy an’analarda ma’nan boy hamda komil inson bo‘lib yetishishlarida ijodiy o‘sishlari uchun ko‘maklashadi;

8.Milliy va xorijiy nashrlar fondlarini shakllantiradi, saqlaydi va ulardan keng foydalanishlarini ta‘minlaydi;

9.Maktab o‘quvchilari, bolalar va o‘smirlarning yoshlariga mos badiiy adabiyotlar, san‘atga doir kitoblar, notalar va boshqa mediaresurslarni yig‘adi va saqlaydi;

10.Adabiyotlarni targ‘ib qilish yuzasidan ommaviy tadbirlar, kitoblar ko‘rgazmalarini tashkil qiladi, kitobxonlar bilan ijodiy uchrashuvlar uyushtiradi;

11.Kitobxonlarga qo֥‘shimcha adabiyotlar o‘qish orqali yuksak fazilatlar bilan kamol toptirishga, ta‘lim-tarbiya olishlarida va kasb tanlashlarida ko‘maklashadi;

12.Kitobxonlarga an‘anaviy kutubxona xizmatini ko‘rsatadi, o‘z axborot-resurslarini yaratish va jahon ilmiy-ta‘lim axborot-resurslaridan foydalanish imkoniyatini berish yo‘li bilan kutubxonachilik sohasini rivojlantiradi;

13.Maktabdan olgan bilimlarni kengaytirish va chuqurlashtirishga ko‘maklashadi va o‘quvchilarning yangi qiziqishlarini shakllantiradi;

14.Kitobxonlarning yoshini hisobga olgan holda turli mavzudagi adabiyotlarga bo‘lgan ehtiyojlarni operativ ravishda qanoatlantiradi;

15.Komplektlashda kamchiliklarni aniqlash maqsadida bo‘lim kitobxonlarning qanoatlantirilmagan so‘rovlarni tahlil qiladi.

 

Adabiyotlarni saqlash bo‘limi

 

1.Adabiyotlarni saqlash bo‘limi kutubxonaning asosiy adabiyotlar fondidan tashkil topgan tuzilmaviy bo‘limmadir.

        2.Bo‘lim kutubxonaning asosiy fondini saqlanishini ta`minlaydi va kutubxona bo‘limlarining buyurtmalariga asosan xizmat ko‘rsatadi.

3.Bo‘lim kutubxonachilik sohasi va kutubxona ishi bo‘yicha chiqarilgan davlat qarorlariga, kutubxona Ustaviga ushbu Nizomga, lavozim yo`riqnomalariga, kutubxonaning yillik ish rejalariga va me`yoriy hujjatlarga muvofiq faoliyat olib boradi.           

4.Kutubxonaga yangi qabul qilib olingan va texnik ishlov berilgan adabiyotlarni bo`limlarning kitob fond kataloglariga ro`yxatga qo`yadi;

5.Kitob jamlash va adabiyotlarning katalogini yaratish bo`limidan qabul qilib olingan adabiyotlarni kutubxona bo`limlarining yordamchi fondlariga beradi.

6.Bo`lim kutubxona fondidagi adabiyotlarni electron katalogini yaratib boradi;

7.Bo`limda kitob fondlarini tashkil etadi, adabiyotlaridan maksimal foydalanishni ta`minlash maqsadida kutubxona bo`limlarining yordamchi fondlarini tashkil qilishda qatnashadi;

8.Fondni saqlanishi ustidan nazorat qiladi kutubxona bo`limlariga berilgan kitoblarni katalogini (indikatorini) yuritadi va joriy berilgan kitoblar kartotekasini yozib boradi;

9.Kutubxona bo`limlarining fondidagi adabiyotlarni umumiy fonddan chiqarish bo`yicha bo`limlar bilan birgalikda ish olib boradi.

10.Sohasidagi yangiliklarni o`z faoliyatiga tadbiq qilish;

11.Bo`lim vakolatiga kiruvchi masalalar bo`yicha belgilangan tartibda rahbariyatga takliflar kiritish.

12.Bo‘limning yillik, choraklik ish rejasini ishlab chiqadi va bajarilishini ta’minlaydi;

13.O‘z faoliyatiga amaldagi qonun xujjatlarga,Xalq ta’limi vazirligining buyruq va ko‘rsatmalariga,kutubxona va bo‘limning Nizomiga, ichki tartib qoidalariga hamda kutubxona direktorining yozma va o‘g‘zaki ko‘rsatmalariga amal qiladi.

14.Bo‘lim xodimlarining ishlarini muvofiqlashtiradi,xizmat xodimlarining malakasini xisobga  olgan xolda majburiyatlarini taqsimlaydi.

15.Bo‘lim xodimlari tomonidan bajarilgan ishlarni tasdiqlaydi;

 

 

Media bo‘limi

 

1.Respublika bolałar kutubxonasining Media bo‘limi  tarkibiy bo‘linma hisoblanadi.

2.Bo‘lim faoliyatini kutubxona direktori va Xodimlar bilan ishlash bo‘yicha bosh mutaxassis  nazorat qiladi.

3.Bo‘lim kutubxona ishi va axborot kommunikatsiya texnologiyalari bo‘yicha chiqarilgan hukumat qarorlariga, kutubxona Ustaviga, ushbu Nizomga, lavozim yo‘riqnomalariga, kutubxonaning yillik ish rejalariga va me'yoriy hujjatlarga muvofiq faoliyat olib boradi.

4.Media bo‘limi  audioresurlar yaratadi va ovoz yozish ishlarini olib boradi.

5.Foydalanuvchilarning  qiziqishlari va axborotga bo‘lgan ehtiyojlarini o‘rganish asosida har xil manbalarda axborot resurslari taqdim etadi;

6.Foydalanuvchilarga bilim olish va dam olish jarayonlarini tashkil etishga, audioresurslardan  foydalanishni tashkil etishga yordam beradi;

        7.Kutubxona maktabgacha, maktab va maktabdan tashqari bolałar ta'lim tarbiyasi bilan shug‘ullanuvchi muassasalarga yordam tariqasida ilmiy-uslubiy, ma'lumot-bibliografik faoliyatini axborot texnologiyalari yordamida olib boradi;

        8.Maktab o‘quvchilari, bolałar va o‘smirlar uchun mo‘ljallangan ilmiy, ma'rifiy, ma'naviy adabiyotlar, audiovizual va elektron resurslarni yig'adi va saqlaydi;

        9.Maktab o‘quvchilari, bolałar va o‘smirlar uchun mo‘ljallangan barcha turdagi o‘lkashunoslikka oid adabiyotlarni, audiovizual, elektron resurslarni va materiallarni yig'adi va saqlaydi;

        10.Bolalar va maktab o‘quvchilarining o‘qishiga rahbarlik qiluvchilar  pedagog o‘qituvchilar va kutubxona xodimlari uchun ilmiy-uslubiy nashrlar audiovizual va elektron resurslar zahirasini yaratadi, hamda ular bilan izchil ishlaydi;

11.Audiovizual materiallar, elektron nashrlar va boshqa axborot tashuvchi manba'larni, mediaresurslarni saqlaydi;

12.Ma'lumotlar bazalari, axborot elektron tashuvchilari yordamida pedagogik innovatsiyalar, yangi texnologiyalar sohasida axborot olish ehtiyojlarini aniqlash va so‘rovlarni qondirilish choralarini ko‘radi;

13.Kutubxonaning faoliyatini televideniya, radio va ijtimoiy tarmoq kanallarida  keng yoritadi ;

14.Kitobxonlarning elektron so‘rovini o‘rganadi;

15.Yangi texnologiya usullarini kutubxonaga joriy qiladi;

 

Investitsiyalarni jalb etish va xalqaro aloqalar mutaxassisi

 

1.Kutubxonada o‘zaro aloqalar o‘rnatish, tajriba almashish va xalqaro hamkorlik ishlarini qonunchilikda belgilangan tartibda amalga oshirish;

2.Xalqaro hamkorlikni tashkil qilishda tegishli davlat va nodavlat tashkilotlari, jamg‘armalari bilan hamkorlik masalalarini muvofiqlashtiruvchi koordinatori bilan hamkorlik qilish;

3.O‘zbekistonda faoliyat ko‘rsatayotgan xalqaro, xorijiy, nodavlat notijorat tashkilotlar va jamg‘armalar bilan hamkorlik aloqalarini o‘rnatish va kuchaytirish bo‘yicha rahbariyatga takliflar tayyorlash;

4.Ta’lim berishning texnologik jarayonida chet el pedagogikasining eng ilg‘or tajribalarini o‘rganish va ularni kutubxona rahbariyati bilan muhokama etish;

5.Turli sohalar bo‘yicha viloyat yoki tumanlarda faoliyat ko‘rsatayotgan xorijiy tashkilot, korxona, firma, kompaniya, vakolatxona, xalqaro dastur, loyihalar haqida ma’lumotlar bazasini yaratish;

6.Tegishli yo‘nalishlar bo‘yicha chet el o‘quv muassasalari, ta’lim yo‘nalishida faoliyat ko‘rsatayotgan xalqaro va xorijiy davlat va nodavlat tashkilotlar, jamg‘armalar bilan internet orqali o‘rnatilgan tartibda o‘zaro hamkorliklar qilish, ulardagi ilg‘or texnologiyalar bilan kutubxona xodimlarini tanishtirib borish;

7.Bolalar kutubxonasi rahbariyati bilan kelishgan holda kutubxonani xorijiy davlatlar ta’limiga oid o‘quv qo‘llanmalar, dasturlar, va elektron adabiyotlar bilan boyitish, bu borada chet el elchixonalariga murojaat qilish bo‘yicha takliflar tayyorlash;

8.Rivojlangan mamlakatlarda maktabdan tashqari ta’limning zamonaviy texnologiyalari va yutuqlarini o‘rganish;

9.Xalqaro hamkorlik bo‘yicha olib borilayotgan ishlar yuzasidan ma’lumotnomalar tayyorlash,metodik kengash ishlarida, tarbiyaviy va o‘quv dasturida nazarda tutilgan boshqa tadbirlarni o‘tkazishda ishtirok etish;

10.O‘z faoliyati xususiyatlari bilan bog‘liq seminarlar va kengashlar ishida ishtirok etish;

11.Kasbiy odob-axloq qoidalari, sanitariya-gigiena talablari, mehnatni muhofaza qilish, texnika va yong‘in xavfsizligi qoidalari talablariga rioya qilish.

 

Nazorat va devonxona bo‘limi

 

1.O‘zbekiston Respublikasi qonunlari, O‘zbekiston Respublikasi Oliy Majlisi palatalarining qarorlari, O‘zbekiston Respublikasi Prezidentining farmonlari, qarorlari, va farmoyishlari, kutubxonaning buyruqlari Ma’muriy kengash qarorlari jismoniy va yuridik shaxslar murojaatlarini qonunchilikda belgilangan tartibda va muddatlarda ko‘rib chiqilishi, elektron xukumatni joriy etish ishlarini muvofiqlashtirish, ushbu yo‘nalishlardagi ishlarni olib borilishi va tahlil faoliyatini amalga oshirilishida hamda direktor xuzurida bo‘lib o‘tadigan yig‘ilishlarni tashkillashtirilishida doimiy nazorat o‘rnatadi.

2.O‘zbekiston Respublikasi Prezidentining hujjatlari, Hukumat qarorlari, kutubxona direktorining hujjatlarida belgilangan vazifalarni o‘z vaqtida va sifatli amalga oshirilishini ta’minlash uchun ijro intizomini mustahkamlash ishlarida boshqarma, bo‘lim va sho‘ba rahbarlari, tomonidan bajarilishini nazorat qilib boradi hamda ijro holati yuzasidan direktor va direktor o‘rinbosarlariga axborot kiritadi.

3.Zamonaviy axborot-komunikatsion texnologiyalardan keng foydalangan holda yagona elektron xujjat aylanish tizimi orqali ijro intizomini nazorat qiladi.

4.Direktor, direktor o‘rinbosarlari bilan bolalar kutubxonasiga yuklatilgan topshiriqlarni bajarilishini ta’minlab, ijro intizomini mustaxkamlashda ular bilan xamkorlikda ishlarni tashkil qiladi.

5.Dasturlar, chora-tadbirlar, rejalar, nazorat rejalari, “Yo‘l xaritalari” ishlab chiqishda ishtirok etadi va ular ijrosini nazorat qiladi.

6.Soxa bo‘yicha ijro intizomini nazoratini tashkillashtirishga mas’ullikni yuqori darajada olib borish va tartibbuzarliklarni o‘z vaqtida oldini olish choralarini ko‘radi.

7.Ijro intizomi yuzasidan doimiy direktorga axborotlar kiritib borish va kechiktirib bo‘lmaydigan choralarni ko‘rish, ijro intizomi buzilishi yuzasidan rahbariyatga takliflar kiritib boradi.

8.Yuqorida ko‘rsatilgan vazifalarni bajarilishini ta’minlash bilan birga amaldagi qonunlar va qonunosti hujjatlar bilan, jismoniy va yuridik shaxslar murojaatlari to‘g‘risidagi qonun hamda yo‘riqnomalar, ish yuritish va ijro intizomiga oid qoidalarda belgilangan boshqa funksiyalarni amalga oshiradi.

9.Ijro intizomiga rioya etish ahvolini belgilangan tartib-qoidalar va talablarga rioya etilishi yuzasidan qonun xujjatlarida belgilangan tartibda o‘rganishlar o‘tkazish. 

10.Ish yuritish, jismoniy va yuridik shaxslarning murojaatlari bilan ishlash hamda ijro intizomini ahvoliga rioya etilmagan taqdirda ayibdor shaxslardan tushuntirish xatlari talab qilib olish, ularning javobgarlik masalasini ko‘rib chiqish to‘g‘risida direktorga takliflar, bildirgilar, talabnomalar kiritish va jazoga torttirish choralarini ko‘rish.  

11.Bolalar kutubxonasiga kelib tushgan barcha turdagi normativ-xuquqiy xujjatlar va ulardagi direksiyaga yuklatilgan vazifalar, topshiriqlar, ko‘rsatmalarni bo‘lim, sho‘ba, tizim va tasarrufiy tashkilotlar tomonidan ijrosini ta’minlanishi yuzasidan nazorat olib borish.

12.Tegishliligi bo‘yicha zarur hollarda berilgan topshiriqlarni ijro mexanizmini, ijro muddatlarini belgilangan holda ijrochilarga taqsimlab, chora-tadbirlar, nazorat rejalar, dasturlar, “yo‘l xaritalari” ishlab chiqish va ijrosi nazoratini olib borish.

        13.Barcha xujjatlar ijrsini ta’minlanishi yuzasidan mas’ul xodimlardan ma’lumotlar, axborotlar va zarur xujjatlar talab qilish, ularni elektron dasturlarga kiritilishini va nazoratdan chiqarishini amalga oshirish.

14.Direktor topshirig‘i va ko‘rsatmalarini direktorning birinchi o‘rinbosari, o‘rinbosarlari va boshqarma boshliqlari tomonidan bajarilishini nazorat qilish hamda ijro ahvoli haqida muddatidan oldin axborot kiritib borish.

15.Qonun xujjatlarda belgilangan tartibda direktor tomonidan lavozimga tayinlanishi va lavozimdan ozod qilinishni  direktor  boshqaradi.

 

Moliya va buxgalteriya bo‘limi

 

1.Moliya va buxgalteriya bo‘limi bevosita kutubxona direktoriga va Direktorning xo‘jalik ishlari bo‘yicha direktor o‘rinbosariga bo‘ysunadi:

2.Moliya va buxgalteriya bo‘limi  o‘z faoliyatida O‘zbekiston Respublikasining amaldagi qonunlariga, kutubxona ustaviga, hisob ishlarini zamonaviy texnik vositalar va axborot texnologiyalaridan foydalanilgan holda ichki tartib qoidalariga, ushbu nizomga tayanadi.

        3.Kutubxona mablag‘lari, tovar-moddiy boyliklar va asosiy vositalarning harakati buyicha buxgalteriya hisobi va hisobotlarini belgilangan qoidalarga asosan qat’iy olib borilishini ta’minlash;

4.Moliyaviy hisobotlarni taxlil qilish va umumlashtirish, belgilangan tartibda tasdiqlangan xarajatlar smetasiga muvofiq Kutubxonaning o‘z vaqtida va to‘liq moliyalashtirilishini ta’minlash;

5.Kutubxonaning byudjet va byudjetdan tashqari hisob raqamlariga pul mablag‘larining shu jumladan shartnoma asosida o‘qitilayotgan tinglovchilardan kelib tushayotgan to‘lovlarni to‘g‘ri hisoblanishini hamda o‘z vaqtida o‘tkazilishini tashkillashtirish, hisobini ularning maqsadli va to`liq sarflanishini  tashkillashtirish, o‘rganish, tahlil qilish va natijasi yuzasidan rahbariyatga axborot berib borish;               

6.Ajratilgan mablag‘larni hamda tovar-moddiy boyliklarning maqsadli ishlatilishi va bu yunalishda amalga oshirilgan ishlar yuzasidan rahbariyatga hisobotlar berib borish;

7.Tovar-moddiy boyliklarning, texnika, bino va inshootlarning, shuningdek, boshqa mol-mulklarning hisob-kitobini yuritish, shu jumladan, ularni hisobdan chiqarish, qayta baxolash ishlarini amalga oshirish, yetkazib berilgan maxsulotlarda kamomad, yaroqsiz va sifatsiz holatlar aniqlanganda, ular yuzasidan dalolatnomalar tuzish va bartaraf qilish choralarini ko‘rish;

8.Kadrlar bo`yicha katta inspektor bilan birgalikda xodimlarning shtatlar jadvalini tayyorlash va tasdiqlash uchun kiritish;

9.Kutubxona xodimlarining cheklangan sonini va ularga to‘lanadigan ish xaqining hisob-kitobini o‘rganish, tahlil kilish va natijasi yuzasidan raxbariyatga axborot berib turish;

10.Xizmat safari xarajatlarining hisobini yuritish, ajratish va sarflanishi buyicha asoslantiruvchi hujjatlarni qabul qilish hamda belgilangan tartibda rasmiylashtirish;

11.Tasdiqlangan xarajatlari smetasi asosida moliyalashtirish uchun ajratilgan mablag‘larni belgilangan tartibda ko`chirish choralarini ko`rish va maqsadli ishlatilishining hisobini yuritish;

12.Kutubxonaning ish xaqi fondini to‘g‘ri xarajat qilinishini, barcha turdagi mukofotlarni, rag‘batlantiruvchi to‘lovlar va nafaqalarning to‘g‘ri hisoblanishini hamda to‘lab berilishini, belgilangan shtatlar, lavozim maoshlari, ma’muriy-xo‘jalik va boshqa xarajatlar smetalariga rioya etilishini, shuningdek to‘lov va moliyaviy intizomga rioya etilishini ta’minlash;

13.Tovar-moddiy boyliklar, xom ashyo maxsulotlari, yonilg‘i maxsulotlari va boshqa qimmatliklarni kirim va chiqimi bilan bog‘lik hujjatlarni to‘g‘ri rasmiylashtirish, yekazib berilgan maxsulotlarda aniqlangan kamomad, yaroqsizlik yoki sifatsizlik holatlari yuzasidan maxsulot yetkazib beruvchilarga nisbatan o`z vaqtida da’volar kiritish;

14.Tovar-moddiy boyliklar bo‘yicha kamomadlar, yuqotishlar, debitorlik qarzlarini bartaraf qilish, buxgalteriya balansidagi xisobdan chiqarish, shuningdek tovar-moddiy boyliklarning qayta baholashdan o‘tkazish va rasmiylashtirishni ta’minlash, ularning qonuniy hamda asosli bo`lishi yuzasidan zarur chora-tadbirlarni ko‘rish;

15.Respublika byudjeti, Adliya organlari va muassasalarini rivojlantirish jamg‘armasi va boshqa hisob raqamlaridagi pul mablag‘lariga oid xarajatlar smetasini umumlashtirish, ajratilgan mablag`larni belgilangan tartibda maqsadli sarflanishini tashkil qilish.

 

Yuristkonsult

1.Kutubxonaning huquq ijodkorligi va huquqni qo‘llash faoliyatida bevosita qatnashish;

2.Normativ-huquqiy hujjatlarning tizimlashtirilgan hisobini belgilangan talablarga muvofiq yuritish;

3.Kutubxona xodimlarining huquqiy madaniyati va huquqiy savodxonligini oshirishda, qabul qilinayotgan normativ-huquqiy hujjatlarning mazmuni va mohiyatini ularga etkazishda qatnashish;

4.Kutubxona va uning tizimiga kiradigan hududiy bo‘linmalar, ularning mansabdor shaxslari faoliyatida qonuniylikni ta’minlashga ko‘maklashish;

5.Kutubxonada shartnomaviy-huquqiy va talabnoma-da’vo ishlarini yuritishda qatnashish;

6.Sudlarda va boshqa idoralarda kutubxonaning mulkiy va boshqa manfaatlarini himoya qilish.

7.Kutubxona yuriskonsulti o‘ziga yuklangan vazifalarni bajarish uchun quyidagi funksiyalarni amalga oshiradi:

8.Huquq ijodkorligi, huquqni qo‘llash amaliyoti va huquqiy madaniyatni oshirish sohasida:

9.Kutubxona huquq ijodkorligi faoliyatining joriy va istiqbolli rejalarini ishlab chiqadi yoki ularning ishlab chiqilishida amalga oshirilishi va bajarilishini nazorat qilishda qatnashadi;

10.Kutubxona vakolatiga kiradigan masalalar bo‘yicha qonunlar va boshqa normativ-huquqiy hujjatlar loyihalarini ishlab chiqadi yoxud ishlab chiqishda qatnashadi;

11.Kutubxonaning idoraviy normativ-huquqiy hujjatlarini ishlab chiqadi yoxud ishlab chiqishda hamda ularni O‘zbekiston Respublikasi Adliya vazirligiga huquqiy ekspertizadan o‘tkazish va davlat ro‘yxatiga olish uchun yuborishda qatnashadi;

12.Mustaqil yoki boshqa bo‘linmalar bilan birgalikda ekspertizadan o‘tkazish va kutubxonada bilan kelishish uchun taqdim qilingan qonunlar va boshqa normativ-huquqiy hujjatlar loyihalarini huquqiy ekspertizadan o‘tkazadi, ularning qonunchilikka va qonunchilik texnikasi talablariga muvofiqligi yuzasidan huquqiy xulosalar tayyorlaydi;

13.Normativ-huquqiy hujjatlar loyihalari bo‘yicha e’tiroz va takliflar bo‘lmasa, ularga viza qo‘yadi. Bunda loyihalarga yuridik xizmat tomonidan kutubxonaning boshqa vakolatli tarkibiy bo‘linmalaridan (xodimlaridan) keyin viza qo‘yiladi;

14.Kutubxona faoliyati sohasida davlat boshqaruvini takomillashtirish bo‘yicha takliflar ishlab chiqishda qatnashadi;

15.Kutubxonaga kelib tushgan va uning o‘zi tomonidan chiqarilgan normativ-huquqiy hujjatlarning tizimlashtirilgan hisobini belgilangan talablarga muvofiq yuritadi, ularning saqlanishini va nazorat qilinishini ta’minlaydi;

 

Rahbariyat

RESPUBLIKA BOLALAR KUTUBXONASI DIREKTORI

O‘rolov Doniyor Amonovich

Qabul qilish kunlari - dushanba, juma

Vaqti - 10.00 - 18.00 gacha

 

KUTUBXONA ISHILARI BO‘YICHA DIREKTOR O‘RINBOSARI

Yadgarov Ulug‘bek Ochilovich

Qabul qilish kunlari - dushanba, chorshanba, juma

Vaqti - 10.00 - 18.00 gacha

 

KUTUBXONA ILMIY ISHLARI BO‘YICHA DIREKTOR O‘RINBOSARI

Djumayev Abbosjon Almamatovich

Qabul qilish kunlari - seshanba, payshanba 

Vaqti - 10.00 - 18.00 gacha

 

XO’JALIK ISHLARI BO’YICHA DIREKTOR O’RINBOSARI

Raximov Akrom Ilhomjonovich

Qabul qilish kunlari - dushanba - juma

Vaqti - 10.00 - 18.00 gacha

 

XODIMLAR BILAN ISHLASH BO’YICHA MUTAXASSIS

Matkarimova Maqsuda Ozodovna

Manzil: O'zbekiston, Toshkent sh, 

Mirzo Ulug'bek tumani, Yaxyo G'ulomov ko'chasi, 47