SHAXSIY KABINETGA KIRISH
.
SSENARIYLAR
 Barcha ssenariylar
ARXIV
Sentabr 2017
YaDuSeChPaJuSh
     12
3456789
10111213141516
17181920212223
242627282930
Vatanni sevmoq iymondandir

Yosh avlodni O’zbekistonimiz tarixi, uning boy madaniy me’rosi, respublikamiz ramzlariga sadoqat ruhida tarbiyalash, ularda shunday Vatanda yashashdan faxrlanish tuyg‘usini shakllantirish bizning sharafli burchimizdir. Buning uchun har bir tadbirda vatanparvarlik tuyg‘usini shakllantirishga yordam beruvchi omillardan mohirona foydalanish, shaxs sifatida shakllanayotgan yoshlarni shaxsning o‘zligini anglashga, xalq baxt-saodati uchun kurashuvchi qilib tarbiyalash, ularni halol mehnatga o‘rgatish darkor.

«Vatanni sevmoq iymondandir»  mavzusidagi ertalikning maqsadi ham, ahamiyati ham Vatan tuyg‘usining muqaddasligini anglatishga yo‘naltirilgan. Ertalikni o‘tkazish uchun sog’lomlashtirish oromgohi sahnasi chiroyli qilib bezatiladi. O‘zbekistonning davlat bayrog’i, gerbi, sahna to‘riga qo’yiladi. Sahnadan O‘zbekistonimizning go’zal tabiati aks ettirilgan rasmlar, yetishtirilgan noz-ne’matlar o‘rin oladi.

Ertalik murabbiyning kirish so‘zi bilan ochiladi:

-   Ona vatanimiz - hur O‘zbekiston! Istiqlol tufayli ochadi jamol

Insonlar dili g‘urur va iymon, mehr oqibatda topmoqda kamol. Sahnaga o‘zga sayyoraliklarning fazoviy kemasi chiroqlarini o’chirib, yondirib keladi va to‘xtaydi.

 

Undan ovoz  eshitiladi:

-Men - Mars! Men – Mars! Meni eshitayapsizmi? Kemaning quvvat olish qismi ishlamay qoldi. Men bir notanish sayyoraga qo‘nishga majburman.

Kemadan ikki kishi tushib keladi. Ular sahnadagi narsalarni, davradagi odamlarni ko‘rib, hayron bo‘ladilar.

1-mehmon:           Bu qaysi sayyora?

                                                Olamning qaysi nuqtasi?

Nomi nedur?

Unda kimlar yashaydi?

O‘quvchi:                 Bu sayyora, Ona yerdir.

Yer va inson do‘stlashgan.

Jannat kabi go‘zal bu yurt,

Nomin aytadi sen eshit.

Bolalar jonli harflar bilan «O‘ZBEKISTON» so‘zini hosil qilishga kirishadilar:

O‘ - O‘zligini topdi o‘zbek sunbulaning kunida,

Z -  Zamon silsilasi qaytaraolmas maqsaddan.

B -  Baxt-saodat kelar albat, ahil bo‘lsak, bizlarga

E - Yetuklikka intilamiz insoniylik burchimiz

K - Kamolot, ulug‘lik tomon intilar xalqim.

I - Insonlar orzusi ezgulik, axir.

S - Sabr-toqat, iymon bo’lsa-da yo‘ldosh,

T - Tinch o‘tar inson umri, baxt unga doim yo’ldosh.

O - Orzu niyatlarimiz: tinch bo‘lsin butun  jahon,

N - Nomi jahonda jaranglar ona yurt - O‘zbekiston ! ! !

2-mehmon:  Ofarin, ofarin! Yurtingiz va xalqingiz doimo bo‘lsin omon.

 

Mehmon:                     Bu ne shodiyona, qanday tantana,  
 
Nega bunda barcha odam jamuljam?

O‘quvchi:                     Yurtimizda bayramlar ko‘p, to‘ylar ko‘p,

            Bag‘ri kenglik, mehmondo‘stlik xalqimizga xos

 Mustaqil O‘zbekiston madhini kuylash,

                                                     Dilimizga nur, qalbimizga zo’r quvonch.

Mehmon:                             Vataningiz ancha issiq,

Yuzingizda ajib nur.

Menimcha, har kuningiz,

                                                   Juda o‘tadi masrur
           O‘q
uvchi:                        Serquyoshdir vatanim,

Qalbimiz quyoshdan-da iliqdir,

Shuning uchun har kunimiz

Boshlanadi qo’shiqdan.

O‘zbekiston davlat  madhiyasi ijro etiladi.

Mehmon:                             Yurtingiz O‘zbekiston, juda go’zal bu makon.

Davlatingiz ramzlari, Ne bildirar qadrdon?

   Xalqim, orzu niyati Dilga quvonch soladi.

O‘quvchi:                             Bayrog‘imiz dunyo uzra, Yurtga dovrug‘ soladi.

Bayroqdagi to‘rt xil rang, hamohangdir birlikda.

Bir-birini to‘ldirib, Maqsad sari tenglikda.       

                                   Havo   rang – tinchlik demak,

                                    Oq rangdir-poklik ramzi

                                    Yashil- yashnagay el

                                      Qizil rang-hayot ramzi,

Yulduzlari doimo sirli,
 Ma’nolarni so‘zlaydi.
 O‘n ikki - bu o‘n ikki oy,

Tarixdan so‘zlaydi
Yangi chiqqan to‘lin oy,
H
ar ko’zni o‘zga chorlar
Dunyoga ochamiz qo‘l
Dilga nur, poklik solar.

Mehmon:                      Bayrog’ingiz dunyo bo‘ylab,

Hilpirasin, dovrug‘ solsin.
Yurt maqsadi, oruzi,
O‘
sib kamolga yetsin.

O‘quvchi:                               Tug’romizda orzu,

Aks etgandir, biling siz,
X
umo qushi yetaklar,
Maqsad sari biling siz.
Paxta bug‘doy  chambari
To’kinlik, to‘kin ramzi.
Q
uyosh, yulduz, suv tog‘lar
Yashnagan yurt timsoli

Mehmon:                So‘zlaringiz  dilimizni,

Ko‘nglimizni chog‘ qildi
Yurtingizga mehringiz,
Bizni hayron lol qildi.

O’quvchi:                               Yurtni sevmoq bizlarga

To’marisdan merosdir.

Temur bobom o’gitlari

Durlar ichra olmosdir

                                                 Nomi dunyoda mashhur,

                                              Bobolarim bor mening,

                                          Ulug‘bek, Sino, Bobur

                                            Navoiy - jonim mening.

           Shoirlarim so‘zlaydi,

           Vatan madhini a’lo

           Ko‘ngillarning madhida

          Mustaqillik bebaho

Shu   yerda   bolalar  shoirlarning   ona-Vatanni, ulug’ovchi   she’rlari,   qo‘shiqlaridan   va   Vatan haqida maqol,  hadislardan namunalar o‘qiydilar.
Mehmon:                                               Samo uzra kemamiz,

Yo’l kezib qanot qoqdi.
Bu y
urt, odamlar ichra suzib,
Chin dildan bizga yoqdi.

O‘quvchi:                      Sizlar hali biz bilan,

Ko‘p suhbat qurmadingiz,

Yurtim bo‘stonlarida,

Sayr qilib yurmadingiz.

Shundan so‘ng bolalar sahnada davra aylanib, qo‘llaridagi O‘zbekistonning noz-ne’matlarini, gullarini namoyish qilishadi. Ularni tavsif etishadi.

O‘quvchi:                           Poklik, oqlikni paxta,

    Xalqim dilidan olgan.

    Shuning-chun paxta Qadri,

    Oltindan ortiq bo‘lgan.

Hamma o‘quvchilar:   Qancha aytsak shuncha oz.

                                                 O‘zbekiston madhini,

                                              Ko‘nglimiz to’q zo‘r ishonch,

                                             «Vatan -barchamizniki»!

 

Shu yerda fazoviy kemaning chiroqlari yonib, shu’la socha boshlaydi.

Mehmon: Ey, aziz insonlar, baxtlisiz doim, shunday yurt, shunday el ichrasiz doim, sizning sururingizdan, ko‘nglimiz to‘ldi. Ona - yurtga mehringizdan, serquyosh yurtingizdan, quvvat olib ketamiz, uchishga tayyor bo‘ldi.

Mehmonlar:           Xayrlashamiz! Qolar omad siz bilan,

                                  Yashnasin el! Qolar iymon siz bilan

O‘quvchilar:          Biz o‘zbeklar mehmonlarni ulug‘ ko‘ramiz,

                                    Yerga tashrifingizni qutlug‘ bilamiz,

                                  «Oq yo‘l» deymiz ko‘ksimizda qo‘limiz.

                                     Mehmonlarga doim ochiq uyimiz.

Murabbiyning xotima so‘zlari bilan ertalik yakunlanadi:

Aql,  boylik bergan bilan kamaymas,

Vatan madhin aytgan bilan tugamas.

«Sog‘lom avlod» o‘zligini xor qilmas,

El-yurtin ulug’lagan aslo kam bo‘lmas!

Rahmat, aziz bolajonlar! Elu yurtimiz baxtiga doimo sog‘-salomat bo‘linglar.

Oromgohlarda bu kabi ertaliklarni o‘tkazib borish o‘quvchilarda ona - Vatanga mehr-muhabbat, undan faxrlanish tuyg‘usini orttiradi.

X.S.Boqiyeva  

Sayt “OPEN WEB” tomonidan tayyorlangan