Жолио- Кюри Фредерик (1900.19.03 - Париж - 1958.14.08) - франсуз физиги. Халқаро тинчлик тарафдорлари ҳаракати асосчилари ва раҳбарларидан бири. Илмий ишлари ядро физикаси, ядро кимёси, ядро техникасига оид. И. Жолио-Кюри билан биргаликда биринчи бўлиб гамма-квантдан ҳосил бўлган электрон-позитрон жуфтлари изининг фотосуратини олдилар (1933) ва шу йилнинг ўзида франсуз физиги Ж. Тибо билан ҳамкорликда биринчи марта электрон-позитрон жуфтлари аннигилятсиясинс кузатдилар.Франсуз олимлари Г. Албан ва Л. Коварскихлар билан ҳамкорликда биринчи бўлиб ядро портлашида занжир реаксия бўлишини исботлаган (1939), нейтрон массасининг протон массасига нисбатан бир қанча катталигини кўрсатган (1939). Коллеж де Франс ядро физика ва кимё лабаратўриясида биринчи франсуз сиклотронини ишга туширган. 1948 йил 15 декабрда  Жолио- Кюри раҳбарлигида Франсияда биринчи атом реактори ишга туширилди. 1940 йилидан Жолио- Кюри Тинчлик тарафдорлари халқаро конгресси доимий қўмитасининг, 1951 йилидан эса Халқаро Тинчлик Кенгашининг раиси. Нобел мукофоти (1935), «Халқаро тинчликни сақлаш учун» мукофоти (1951) лауреати.