Ражобов Сиддиқ Ражабович (1910.19.03, Қозоғистоннинг ҳоз. Тароз шаҳри. - 1993.28.02, Тошкент) - педагог олим, пед. фанлари д-ри (1958), проф. (1959). ФА ҳақиқий аъзоси (1968), Ўзбекистонда хизмат кўрсатган фан арбоби (1964). Фарғона пед. институтини тугатган (1933). Илмий-педагогик фаолиятини шу институтнинг пед. назарияси ва тарихи кафедрасида ассистентликдан бошлаган. 1935 йилдан Тошкент пед. институтида ўқитувчи, 1941 - 1942 йилларда маъмурий ишларда. 1943 йилдан «Қизил Ўзбекистон» газ. муҳаррири, 1947-1961 ва 1966 йилдан Тошкент пед. институтининг пед. кафедраси мудири. 1962-1966 йилларда Ўзбекистон пед. фанлари и.т. институти директори. Илмий ишлари дидактика, пед. назарияси. Ўзбекистонда пед. тарихи масалаларига бағишланган.