Саъдуллаев Азимбой (1947.9.1, Хоразм вилояти) – математик олим, Ўзбекистон Фанлар Академияси академиги (1995), физика-математика фанлари доктори (1982), профессор (1985). Москва университетини тугатган (1969), ТошДУ да кафедра мудири (1983-92), декан (1985-92). Урганч университетида ректор (1992 йилдан), Хоразм Маъмун академияси раиси (1997-2002). Илмий ишлари кўп аргументли функциялар назариясига оид. Комплекс потенциаллар назариясини яратган муаллифлардан бири. Бу назарияни амалётда қўллаб, бир неча йирик илмий муаммоларни ечган. Фундаментал ишларининг бир қанчаси чет элларда нашр қилинган, дарслик ва монографияларида чоп этилган. 1- ва 2- чақириқ Ўзбекистон Республикаси Олий Мажлиси депутати. “Меҳнат шуҳрати” ордени билан мукофатланган (2003).

 Ўзбекистон миллий энциклопедияси.Т.,2004.