Американинг The New York Times газетаси бундан 161 йил муқаддам чоп этилган материалда хато ўтиб кетганлигини тан олди. “Ўғирлаш воқеаси. Соломон Нортупнинг йўқолиш ва топилиш тарихи” (“The Kidnapping Case. Narrative of the Seizure and Recovery of Solomon Northup”) мақоласи матнида ноаниқликлар мавжуд бўлганлиги нашр сайтида 4-март куни бу ҳақда маълум қилинди. Жумладан, сайтдаги хабарда шундай дейилади: “1853-йил 20-январ сонида чоп этилган Соломон Нортуп ҳақида ҳикоя қилувчи мақолада унинг исми-шарифи нотўғри ёзилган”. ”. New York Times ходимларининг сўзларига кўра, ўшанда мақоланинг сарлавҳасида бош қаҳрамоннинг фамилияси “Northrop” тарзида, матннинг бир нечта жойида эса “Northrop”  шаклида хато ёзилган. Аслида эса унинг фамилияси иккинчи бўғинда “р” ҳарфисиз - “Northup”  кўринишида ёзилади. Материалдаги хатони илк бора Ребекка Склут исмли Twitter фойдаланувчиси пайқаб қолиб, бу ҳақда 3-март куни ўз микроблогида ёзган. Кейинроқ у хатони айнан ўзи топганига урғу берган. Ўзи ҳам ёзувчи бўлган Склутнинг такидлашича у турли матнларда ноаниқликларга кўп дуч келади ва ўзини “даҳшатли мусаҳҳиҳ” деб ҳисоблайди. Ребекка Склутнинг Соломон Нортуп воқеасига назар солишига эса 2-март куни Лос-Анжелесда бўлиб ўтган “Оскар” киномукофотлари тақдимоти сабаб бўлган.