25-Март куни  Ўзбекистон халқ ёзувчиси Ўткир Ҳошимовнинг “Дунёнинг ишлари” қиссаси Туркияда турк тилида чоп этилди. Нашриёт сайтида мазкур асарнинг қисқача тавсифи келтирилган, унда ёзувчининг сўзлари туркча таржимада берилган. Нашриётнинг кўрсатишича, китоб 206 саҳифадан иборат, 13,5×21 сантиметр ўлчамда. Ўткир Ҳошимов Ҳамза номидаги Ўзбекистон Давлат мукофоти лауреати (1986). “Меҳнат шуҳрати” (1996), “Буюк хизматлари учун” (2001) орденлари билан мукофотланган “Дунёнинг ишлари” қиссасини у 1982-йили ёзган.