Iltimos, kuting…
Рус табиатшунос олими Ломоносов Михаил Васильевич таваллуд топган кун
1711-11-08
Михаил
Ломоносов Васильевич 1711 йил 8 ноябрда Архангельск
шаҳрида туғилган. Рус табиатшунос олими, рус адабий тилининг асосчиси, шоир,
рассом, тариҳичи. Москвада, Киевда (1734), сўнгра Петербург академия унверситетида ўқиган
(1735). 1736 йилдан Германиянинг Мербург ва Фрайбург унверситетларида кимё ва
металлургия фанларидан таълим олган. Петербург Фанлар Академиясининг биринчи академиги (1745).
1748 йилда Россия Фанлар Академиси қошида 1-кимёвий лабараторияга асос солган. 1755 йилда Ломоносовнинг
ташаббуси билан Москва унверситети ташкил этилган (кейинчалик унга Ломоносов номи берилган). Моддаларнинг атом-молекуляр тузилиши ҳақидаги тушунчаларни ривожлантирган,
кимёвий реакцияларда массанинг сақланиш қонунини топган (1756), корпускуляр
(атом-молекуляр) таълимоти асосларини таклиф этган (1741-50). Венера саёрасида
атмосфера мавжудлигини аниқлаган (1761). Фалсафий ва гражданлик руҳидаги рус
одасининг ижодкори. Достонлар, шеърий номалар, трагедиялар ва ҳажвий асарлар,
фундаментал филологик тадқиқотлар ҳамда рус тилининг илмий грамматикаси
муаллифи. Ранглар ҳақидаги назарияни олға сурган. Бир қанча оптик асбоблар
ясаган. Мозаика санъатини ривожлантирган, смальталар ишлаб чиқаришга катта ҳисса қўшган,
шогирдлари билан бирга кошинкор нақшларнинг янги турларини таклиф этган. Швеция
Фанлар Академияси (1760), Болонья
Фанлар Академияси
(1764) фахрий аъзоси. Ломоносов 1765 йил Петербург шаҳрида 4 апрелда вафот этди.
