Аалонен  Вяйнё Валдемар (1894.08.03, Мартилла — 1966.30.05, Хельсинки) — фин ҳайкалтароши. Психологик портретлар («Я. Сибелиус», мармар, 1935, Сибелиус уй-музейида), ҳайкаллар («Қизлар» туркуми, гранит, 1917—1941) муаллифи; монументал ва безак ҳайкаллар устаси (А. Киви, бронза, 1932—1934, Хельсинки; монументлар—«Дўстлик», бронза, 1952; «Тинчлик», гранит, 1950—1952; Лахтида, Тинчлик Олтин медали, 1953 ва бошқалар). Шунингдек у рассом ва медаль ясаш устаси сифатида ҳам ижод қилган. Аалонен  Вяйнё ижоди инсонпарварлиги, ғоядаги туйғу-руҳиятнинг аниклиги билан ажралиб туради.