Нуралиев Ҳайдарали (1944.10.12, Тошкент)- Наққош, Ўзбекистон халқ устаси (1998). П. Беньков номидаги Республика рассомлик билим юртини тугатган (1969). 1969-1978 йилларда Тошкентдаги “Сувенир” фабрикасида наққош, бош устаси лавозимида ишлади. 1978 йилдан “Усто” бирлашмасида наққош уста. Кўп йиллар давомида устози Ҳаким Жалолов гуруҳи билан Ўзбекистоннинг кўплаб маданий, маьмурий бинолари шифт ва деворларига кўркам безаклар ишлашда ютуқларига эришди. Темурийлар тарихи давлат музейи, Олий Мажлис биноси интерьерлари ва бошқаларга ишлагн нақишлари наққошлик саньати намуналари ҳисобланади.