«Буҳорий шариф» - жадидлар газетаси. Когон шаҳрида 1912 йил 11 мартдан 1913 йил 2 январгача тожик тилида чиққан. Газета дастлаб ҳафтасига 6 марта, кейин 3 марта нашр этилган. Жами 153 сони чиққан. «Буҳорий шариф» 1913 йил 12 январда Россия бош сиёсий бошқармаси томонидан тақиқланган. Газета сахифаларидан исломий аҳкомлар, илм-фан, тижорат ҳамда иктисодиёт янгиликлари, маърифатни тарғиб этувчи мақолалар ўрин олган. «Буҳорий шариф»да маҳаллий шоир ва ёзувчилар асарларидан парчалар, жаҳон адабиёти намуналари эълон қилинган. «Буҳорий шариф»га озарбайжон ёзувчиси ва журнал,  Мирзо Жалол муҳаррирлик, Мирзо Ғаффор бош котиблик қилган.