Вернадский Владимир [1863.12.03, Петербург - 1945.6.1, Москва]-табиатшунос, минералог ва кристаллограф, геокимё, биогеокимё, радиогеология ва биосфера асосчиларидан бири. Россия Фанлар Академияси академия (1912), Украина Фанлар Академияси ташкилотчиси ва биринчи президенти (1919), Чехословакия (1926) ва Париж (1928) Фанлар Академияси аъзоси. Москва унверситет профессор (1898-1911). Вернадский Владимир ўз тадқиқотларида катта амалий аҳамиятга эга бўлган йирик илмий муаммолар, силикатларнинг тузилиши, нодир ва тарқоқ элементлар геокимёси, радиоактив минералларни қидириб топиш, геокимёвий жараёнларда организмлар роли, тоғ жинсларининг мутлақ ёшини аниқлаш ва бошқаларни илгари сурди, минералларнинг келиб чикишида янги эволюцион назарияни (генетик минералогияни) ишлаб чикди. Вернадский Владимир радиоактив моддалар аҳамиятини аниқлади (1911). Вернадский Владимир биосферша кимёвий элементларнинг тўпланиши, алмашиниши ва тарқалишида организмларнинг ролини, биосфера инсон меҳнати ва у қўлга киритган илмий муваффақиятлар туфайли аста-секин янги ҳолат — ноосферага ўтишини биринчи бўлиб кўрсатиб берди.