А.Макарский 26 ноябрь 1975 йил Пенза шаҳрида актёрлар оиласида дунёга келган. Буваси-Россия халқ артисти М.Я. Каплан; ўгай отаси-Александр Макарский (Антонни 10 ёшида ўғил қилиб олган), Ставрополь ва Пенза қўғирчоқ театри актёри, онаси Елена Михайловна-мусиқа ўқитувчиси. ( Ҳозирги кунда ота-онаси ва опа-синглиси Исроилнинг Холоне шаҳрида яшайдилар)  8  ёшидан Пенза дараматик театри спектаклларида роллар ижро этган. Мактабни тугатгандан сўнг Москвага боради ва  ўқиш учун Щукинский училищасини танлайди. (1993-98)  Икки ой М.Г.Розовский театрида ишлайди. Ва армияга кетишга қарор қилади. Бир ярим ойлик хизматдан сўнг, Россия МВД ички ишлар қўшинларининг ашула ва рақс Академик ансамблига хизматга юборилади. У ерда бир йилга яқин ашула айтади ва концертларни олиб боради. Хизматдан сўнг ярим йил хеч жойда ишламайди. “Метро” мюзикл ҳақида эшитиб кастинга боради ва ҳакамлар ҳайъати томонидан танлаб олинади. 2002 йил майдан “Нотр Дам де Пари” мюзикли билан ҳам банд бўлади. У асосий роллардан бири –капитан Феба де Шатоперани ўйнайди. Макарский романтик овози , кўриниши туфайли кўпроқ романтик қаҳрамонлар ролини ижро этади. Леонид Кулагиннинг нефтчилар ҳақидаги “Бурғуловчи” фильмида, бундан ташқари, Мопассан новелласи асосида суратга олинган “Севги саргузаштлари” фильмларида суратга тушади. 2003 йил яккахон альбомини чиқаради. 2003 йил кузида Америка-Россия ҳамкорлигида олинган “Бедная Настя” сериалида княз Андрей Долгоруков ролини ижро этади. Бундан ташқари, Сергей Ли ва Арина билан биргаликда “Мне не жаль” фильми учун асосий ашулани ижро этди. 2006-2007 йилларда “Пером и шпагой” сериалида француз резиденти ролини ижро этди. 2007 йилда “Қонли Мэри”, “И падает снег” фильмларда суратга тушади. 1999 йилдан буён қўшиқчи Виктория Морозова билан биргаликда яшамоқда. Турмуш қурганларига 13 йил бўлгандан сўнг 9 сентябрь 2012 йил қиз фарзандли бўлдилар. Қизларига Мария деб исм қўйишди.