Жасур Умиров баҳор фаслининг 31-март куни Самарқанд шаҳрида таваллуд топди. Болалик вақтида санъат шайдоси эди. Шунинг учун ҳам у мусиқа мактабига боради, сўнг Ўзбекистон Давлат Консерваториясининг Эстрада xонандалик факултетига ўқишга киради. У илк ижодини 2009-йилдан бошлайди. Жасурнинг айтган барча қўшиқлари xит даражасига етмоқда. "Биллурам", "Ойша", "Дердия", "Жон-жон", "Дарёлар" ва "Юрибманде" қўшиқлари барча қизларни лол қолдирди десак муболаға бўлмайди. Xонанданинг ҳозирги кунгача 15дан ортиқ қўшиқ клиплари ва "Ойша" номли албоми муҳлислар юрагидан жой олди. Санъат оламига яқингагина кириб келган бўлсада, 2010-йил 21-декабр куни "Истиқлол" санъат саройида яккаҳон консерт дастурини намойиш этди.