1916 йил 21 ноябрь эрталаб Эгея денгизида “Британик” кемаси чўкиб кетди. Ўша вақтнинг энг катта кемаси ҳисобланган “Британик” госпиталга мўлжалланиб қайта жиҳозланган ва Биринчи жаҳон уруши ҳарбий ҳаракатларида фаол қатнашган. “Уайт Стар Лайн” компаниясининг бешта тезюрар йирик пассажирлар кемасидан биридир. “Британик” – госпитал кемаси бошида пассажир лайнери сифатида қурилган ва “Гигантик” деб номланган. У чўкиб кетган “Титаник” кемаси ўрнини босиш учун ўйлаб топилган ва такомиллаштирилган ҳолда яратилган. Масалан, сув палубалардан тортиб каюталаргача сув ўтказмайдиган девор билан қопланган. Бироқ ўзи яратилган жойда Сутгемптон-Нью-Йорк  йўналишида бўлиш насиб этмади. Бунинг ўрнига лайнер бирдан  Британия ҳарбий флот бошқармаси ихтиёрига ўтказилди, ва госпиталга мослаштирилиб жиҳозланди.Шу мақсадда  “Британик” бортига 3000 дан ортиқ пациент қабул қила олар эди.  1915 йил ноябрда лайнер флот таркибига киритилиб Ўртаер денгизига жўнатилди. Ўртаер денгизига беш марта муваффақиятли сафарни амалга оширди ва Британия империясининг 15000 та солдатини олиб келди. 1916 йил 21 ноябрда Эгея денгизида немис минасига йўлиқиб, ағдарилиб кетди ва 55 минут ичида чўкиб кетди. Қутқарувчиларнинг яхши ташкиллаштирилган ишлари шарофати билан 1136 та жароҳатланган гуруҳ аъзоларидан 21 таси ҳалок бўлди. 2000 йил режиссёр Брайан Тренгард-Смит томонидан “Британик” бадиий фильми суратга олинди.