Асрол Мухторов (1948.21.11, Тошкент) — ганчкор уста, наққош; Ўзбекистон халқ устаси (1999). Уста Маҳмуд Усмоновсзм ҳунар ўрганган; устози билан бирга ишлаб (1966—79), республикадаги жамоат бинолари ва хусусий турар жойларни безашда қатнашади. Республика ўқувчилар ва ёшлар саройидаги ганчкорлик тўгарагига раҳбарлик қилди (1975). 1979-йилдан ганчкорлар бригадасига бошчилик қилиш билан мустақил фаолиятини бошлади. Фаолиятида ганчкорлик, кулоллик ва наққошликни уйғун ҳолда олиб бориб, безаклар яратди. "Салом" чойхонаси (Қашқадарё), "Дилором" қаҳвахонаси (Тош-кент) ва бошқа жамоат биноларини ганч ўймакорлиги билан безади. Тошкент шаҳридаги Ўзбекистон ташқи ишлар вазирлиги, Тошкент шаҳри ҳокимияти, "Туркистон" саройи, Байналмилал маданият маркази, Олий Мажлис, Фарғонадаги "Ал-Фарғоний" театри зали ва бошқа биноларни ганч ўймакорлиги билан безади. М. кўплаб шогирдлар тайёрлаган.